SHKODER/ Policia ka identifikuar si autor te ngjarjes 17-vjecarin A.Brahimi, i cili eshte shpallur ne kerkim

SHKODER - Policia e Shkodres ka mundur te identifikoje autorin e vrasjes se 17-vjecarit Eduart Thana, ngjarje kjo e ndodhur pasditen e se henes ne qytetin e Shkodres.

Burime te policise bejne te ditur se autor i dyshuar eshte 17-vjecari A.Brahimi, banor i lagjes "Ahmet Haxhia" te Shkodres. Nga hetimet e deritanishme si dhe nga marrja ne pyetje e deshmitareve okulare ne vendngjarje, gjithcka ka ndodhur per motive banale.

Keshtu behet e ditur se zanafilla ka qene nje konflikt mes dy te rinjve ne nje nga lokalet prane Universitetit te Shkodres ku zhvillohej nje feste. Pas kesaj Eduart Thana eshte larguar bashke me nje shokun e tij per ne banesen e vet, nderkohe qe autori Brahimi ka shkuar ne shtepi dhe ka marre nje arme zjarri tip pistolete dhe eshte rikthyer te vendi i konfliktit.

Ndersa ka kuptuar qe kundershtari i tij eshte larguar ai ka filluar ndjekjen me makine. Ka ecur rruges qe te con per ne banesen e Thanes, duke menduar se do te ishte larguar per ne shtepi.

Por Thana ka kuptuar qe po ndiqej dhe ka nisur te rende bashke me shokun e tij duke u ngjitur ne shkallet e nje lokali lojerash dhe interneti per ti shpetuar ndjekjes. Por autori e ka arritur ate dhe e ka qelluar pikerisht ne momentin kur ai do te futej ne lokal.

Pese plumba jane qelluar ne drejtim te Eduart Thanes, i cili ka gjetur vdekjen rruges per ne spitalin e Shkodres. Mesohet se personi qe ka qene bashke me viktimen ka mohuar te kishte dijeni lidhur me shkaqet qe kane cuar ne vrasjen e shokut te tij, nderkohe qe ne polici jane shoqeruar te gjithe personat qe ndodheshin ne lokal.

Deri ne oret e vona te mbremjes arrestimi i 17-vjecarit Brahimi nuk eshte bere i mundur. Akuzat e ngritura ndaj tij jane "vrasje me dashje" dhe "armembajtje pa leje". mesohet se autori i dyshuar nuk kishte precedente penale. Ndersa viktima 17-vjecar ishte i papune dhe nuk ishte ne shkolle.