Legjenda shqiptare, mes golashenuesve me te mire te te gjitha koherave ne kampionatet elitare

Ilir Pernaska, nje prej futbollisteve me te medhenj te vendit tone, ka hyre ne librin e rekordeve boterore. Ish-sulmuesi shqiptar eshte perfshire nga Federata Nderkombetare e Futbollit per Histori dhe Statistika (IFFHS) ne listen e golashenuesve me te mire te te gjitha koherave ne kampionatet elitare ne te gjithe boten. I lindur me 14 shtator te vitit 1951, talenti i tij shpertheu qe ne moshe fare te re. Ne fakt, kur ishte vetem 20 vjeç, ne kampionatin e pare me Dinamon, Pernaska u shpall golashenuesi me i mire i Shqiperise, me 19 rrjeta te shenuara ne vitin 1971. Klasi i tij i larte, per te cilin kujtohet me nostalgji edhe ne ditet e sotme, nuk u frenua me kaq. Pas atij viti Pernaska u shpall golashenuesi me i mire i vendit tone edhe ne pese kampionatet ne vazhdim (nga viti 1972 deri ne 1976-en). Ilir Pernaska luajti per nje dekade me Dinamon, prej korrikut 1971 deri me qershor 1981 dhe ishte padyshim nje prej pikave me te forta te ekipit. Se bashku me titullin te sezonit te kaluar, dinamovitet jane kurorezuar 17 here kampione ne historine e tyre, nderkohe qe ne kete "palmares" sulmuesi ka lene jo pak gjurme. Perveçse eshte shpallur gjashte here golashenues, ai e ndihmoi skuadren qe te fitonte pese here kampionatin. I klasifikuar mes futbollisteve me te medhenj ne historine e Shqiperise, Pernaska ishte pjese e padiskutueshme edhe e ekipit Kombetar. Me fanellen kuqezi ai ka luajtur 15 ndeshje, duke shenuar 5 gola. Megjithate, paraqitjet nderkombetare te tijat, por edhe te shume yjeve te tjere si Safet Berisha, Petrit Dibra, Vasillaq Zeri, apo portieri Jani Kaçi, u komprometuan nga sistemi komunist. Gjate periudhes 1976-1980, Kombetarja dhe klubet shqiptare nuk kane luajtur asnje ndeshje zyrtare ne nivel nderkombetar, pas vendimit te drejtuesve te shtetit.

Libri i rekordeve

Vendin e pare ne librin e rekordeve per golashenues e mban legjenda e futbollit brazilian, Romario de Souza Faria, qe ndermjet viteve 1986-2005 eshte shpallur 14 here golashenues ne kampionatin brazilian, holandez e ate spanjoll. Pas tij renditet çekosllovaku Jozef Bikan (1933-1950) me 12 "Kepuce te Arta", ndersa podiumi plotesohet nga me i madhi i te gjitha koherave, Edson Arantes do Nashimento "Pele", qe ndermjet viteve 1957-1973 eshte shpallur 11 here si goleador. Ne klasifikimin e IFFHS-se spikasin edhe Alfredo di Stefano, Ferenc Pushkash, Uve Seler e Ziko (8 here), ndersa pas tyre vijne edhe Euzebio Ferreira da Silva e Gerd Myler me shtate tituj golashenuesish. Perveçse eshte perfshire ne librin e rekordeve, Pernaska mund te krenohet edhe me faktin se qendron perkrah emrave te medhenj te futbollit boteror. Gjashte here golashenues te kampionateve elitare jane edhe legjenda argjentinase Diego Armando Maradona dhe legjenda holandeze Marko Van Basten.



Karriera

I lindur me 14 shtator te vitit 1951, talenti i tij shpertheu qe ne moshe fare te re: kur ishte vetem 20 vjeç, ne kampionatin e pare me Dinamon, u shpall golashenuesi me i mire me 19 rrjeta