Urdhri i Infermiereve te Shqiperise paraqet kerkesat dhe shqetesimet qe kane infermieret. Jane te pavleresuar per punen qe bejne

Te permiresohen kushtet e punes, te rriten rrogat, me shume motivim dhe perfaqesim ne nivelet e drejtimit te institucioneve shendetesore. Keto jane disa nga kerkesat dhe pakenaqesite e infermiereve, te cilet kane shfaqur problemet qe ndesh kjo kategori e punonjesve te shendetesise.

Kete e pohon presidenti i Urdhrit te Infermiereve, Sabri Skenderaj, i cili shpjegoi se institucioni qe ai drejton ka bere nje tur ne disa zona te vendit, ku u bene me dije me keto probleme. Nderkohe, infermieret me me shume se 20 vjet eksperience kane kerkuar qe vitet e punes tu quhen kredite dhe arsimin ta bejne part-time brenda mundesive qe kane.

Kerkesa kryesore e infermiereve mbetet motivimi i tyre financiar, me paga dinjitoze, duke vleresuar punen e madhe qe bejne dhe kerkesa e domosdoshme qe ka jeta dhe familjet e tyre sot.

Keshtu behet e ditur nga Urdhri i Infermiereve, duke u shtuar se ata kerkuan kushte me te mira pune, mjedise higjienike dhe clodhje ne vendin e punes, veshje dhe mjete mbrojtese ne pune. Infermieret kane ngritur gjithashtu shqetesimin e perhershem se kerkojne me teper vleresim, me teper motivim dhe me shume hapesira per perfaqesim ne te gjitha nivelet e drejtimit te institucioneve shendetesore.

Problem tjeter qe doli nga keto konferenca eshte edhe ai i zbatimit me korrektesi i ligjit per Urdhrin e Infermierit te Shqiperise, jo vetem nga profesionistet e kujdesit infermieror, por edhe nga drejtuesit e institucioneve shendetesore, ku ligji u ndalon punemarresve marrjen ne pune te ketyre profesionisteve pa u regjistruar tek Urdhri i Infermierit te Shqiperise.

Problem tjeter qe eshte paraqitur nga infermieret eshte arsimimi, pasi infermieret e vjeter ne pune kerkojne vleresim te formimeve dhe eksperiences se tyre profesionale nder vite, si edhe te eksperiences se punes se tyre, me kreditet e nevojshme ashtu sic ndodh ne shume vende te botes.

Ata ngrene problemin se me nje eksperience mbi 20-vjecare, ne pune, dhe me gjithe ato formime ne menyre te vazhdueshme, qe kane realizuar, dhe qe vazhdojne te realizojne, nuk duhet te trajtohen me nivelin e krediteve sikur e mbarojne sot shkollen, e mesme profesionale, pohon Sabri Skenderaj, duke shtuar se infermieret kerkojne qe te hartohen edhe programe part-time per te realizuar ate pjese programesh te domosdoshme dhe plotesuese per realizimin e nje kujdesi infermieror cilesor.