Sot eshte afati i fundit qe Galeria Kombetare e Arteve ka caktuar per paraqitjen e punimit-bocet nga pjesemarresit ne Konkursin Kombetar per realizimin ne skulpture te bustit te Fan Nolit.

Deri dje asnje bocet nuk eshte paraqitur ne GKA, nga 17 personat qe kane aplikuar ne konkurs, duke lene te kuptohet se interesimi eshte me se i ulet. Studiuesit e Galerise e justifikojne me fjalet: "e lene per diten e fundit". Deri tani kane aplikuar artistet Vladimir Llakaj, Bujar Vani, Ardian Pepa, Endrit Rama, Ylli Beqiri, Selim Kulla, Skender Kraja, Arben Bajo etj.

Konkursi per realizmin e bustit te Nolit, qe do te vendoset ne sheshin "Republika" ne qytetit e tij te Lindjes, Ibrik Tepe, eshte lajmeruar nga GKA qe me 10 shkurt 2010 bashke me kushtet e konkursit.

Konkursi eshte i hapur per te gjithe artistet dhe arkitektet brenda dhe jashte Shqiperise, qe marrin pjese me punime individuale dhe te paekspozuara ne veprimtari te meparshme te ketij lloji.

"Punimi duhet te jete shprehje artistike realiste dhe figurative dhe te kete per qellim perjetesimin e tipareve dhe personalitetit psikologjik te Fan Nolit", ishte kriteri estetik i vendosur per realizmin e figures se Nolit. Kushtet e tjera te vendosura per pjesemarresit i takonin anes teknike (permasave te bustit, bazamentit, materialit qe do te pergatitet).

Ne dokumentin qe Galeria ka leshuar per shpalljen e konkursit saktesohet se "afati i fundit i dorezimit te boceteve nuk duhet te shkelet nga artistet. Pas kesaj date asnje bocet nuk do te pranohet".

Fituesi i bocetit do te shpallet me 12 mars ne mjediset e GKA. Ministria e Turizmit, Kultures, Rinise dhe Sporteve ka caktuar shumen 1.590.000 leke per realizimin ne bronz te bustit te Fan Nolit.