Prokuroria Mbyllet hetimi per Xhutin, i akuzuar si sekser ne Gjykaten e Larte. Kishte fituar gjyqin per pushim nga puna

TIRANE- Prokuroria e kryeqytetit mbylli hetimet dhe dorezoi per gjykim prane togave te zeza dosjen penale ndaj ish-juristit te Kuvendit te pandehurit Albert Xhuti per akuzen e mashtrimit. Lajmi konfirmohet nga burimet zyrtare prane institucionit te akuzes, te cilet sqaruan se nga hetimet gati tremujore, eshte arritur te provohet se i pandehuri Xhuti ka mashtruar familjen Bega. Mashtrim ky, qe sipas akuzes, konsiston ne faktin e marrjes se shumes prej 5 mije eurove nga i pandehuri me premtimin e lirimit nga Gjykata e Larte te shtetasit te denuar Iljaz Bega.

Familja e ketij te fundit, nga ana tjeter, pat pretenduar se ish-juristi i Kuvendit, Xhuti, i kishte marre kundrejt premtimit per lirimin e 71- vjecarit Bega shumen prej 10 mije euro. Sipas kerkeses per gjykim, mesohet se familja Bega kishte bere pagesen tek mashtruesi Xhuti ne muajin korrik 2009, nderkohe Gjykata e Larte kishte shpallur vendimin per te denuarin me 14 vite burg Iljaz Bega me 23 mars 2009, pra tre muaj pas mos pranimit te rekursit nga Gjykata e Larte. Me mos pranimin e rekursit, vendimi ndaj Beges ka marre formen e prere te denimit me 21 vite burg, por, per shkak te aplikimit te gjykimit te shkurtuar, 71- vjecari i denuar per vrasjen e dyfishte ka perfituar uljen e 1/3 se denimit, duke u denuar perfundimisht me 14 vjet burg.

Gjithashtu, konfirmohet se ish-juristi i Kuvendit Albert Xhuti ka pasur njohje personale dhe familjare me te denuarin 71- vjecar Iljaz Bega, te cilin e ka takuar disa here ne ambientet e vuajtjes se denimit ne Fushe Kruje ne lidhje me ceshtjen. Nderkohe, sipas familjareve mashtruesi Xhuti i ka marre atyre 10 mije euro me premtimin e lirimit. Vete i pandehuri gjate fazes se hetimit dhe para togave te zeza te Gjykates se Shkalles se Pare ne kryeqytet, ne seancen e vleftesimit te arrestit dhe caktimit te mases se sigurise, pati pranuar se familjes Bega i kishte marre 5 mije euro, por ne forme borxhi, po premtimi per lirimin e 71- vjecarit Bega.

Vepra penale mashtrimi per te cilen do te gjykohet ish-jursti i Kuvendit, Xhuti, parashikohet ne nenin 143, ku nese deklarohet fajtor per kete veper penale rrezikon te denohet me gjobe ose me burg deri ne 5 vite heqje lirie. Sipas dosjes, i pandehuri Xhuti eshte arrestuar paraditen e dates 13 maj 2010 ne rrugen e Durresit, prane kryqezimit te Zogut te Zi (sheshi Rilindja), pak kohe pasi ai kishte dale nga shtepia e tij prane ish-Shkolles se Partise ne rrugen e Durresit.