Atletja ruse fiton medaljen e arte ne kercim me shkop dhe vendos rekord te ri boteror me 5,05 metra

Atletika ka dhuruar dje disa medalje ari ne disiplina te ndryshme, ku bie ne sy fitorja e ruses Jelena Isinbajeva ne kercim me shkop, duke vendosur rekord te ri boteror, me 5,05 metra (5,04 lartesia e meparshme, qe mbahej po nga ajo). Kjo eshte medalja e dyte e arte per atleten ruse, pas asaj te 4 viteve me pare ne Athine. Fitorja e Isinbajeves ishte e lehte, pasi e kishte siguruar medaljen e arte qe me 4,85 metra, nderkohe qe kerkoi te vendoste rekord te ri boteror dhe qe ia arriti me proven e trete. Medalja e argjendit u fitua nga amerikania Xhenifer Stuczinski (4,80 m) dhe e bronzit nga rusja tjeter Svetlana Feofanova (4,75 m).

GARAT E PISTES: Amerika triumfon ne garen e 400 metrave me pengesa, ku atletet e saj fituan 3 vendet e para, duke i marre te tria medaljet. E arta u fitua nga Anxhelo Teilor, qe la pas patriotet e tij Kerrn Klement dhe Bershaun Xhekson. Dy medalje te arta kane ardhur dje per Kenian. Ne 3 000 metra me pengesa per meshkuj, Brimin Kiprop Kipruto zuri vendin e pare, duke dhene kohen 8 minuta, 10 sekonda dhe 49 te qindtat. Medalje argjendi per francezin Mahiedine Mekhisi, ndersa e bronzit u fitua nga keniani tjeter Ricard Matelong. Ndersa ne 800 metra per femra vendin e pare e zuri 18-vjecarja nga Kenia, Pamela Jelimo, duke dhene kohen 1'54"87. Ne vend te dyte patriotja e saj Janeth Jepkosgei dhe ne vend te trete marokenia Hasna Benasi.

GARAT E TJERA: Amerika fitoi medaljen e arte ne hedhjen e diskut per femra. Vendi i pare u fitua nga Stefani Trafton Brown (64,74m), i dyti nga kubanezja Jarelis Barrios (63,64m) dhe vendi i trete per ukrainasen Olena Antonova (62,59m). Ne kercim se gjati vendin e pare dhe medaljen a arte e fitoi atleti nga Panamaja, Irving Saladino, me 8,34m. Argjendi per afrikano-jugorin Khotso Mokoena dhe bronzi per kubanezin Ibrahim Camejo. Per Panamane kjo eshte medalja e pare e arte ne historine e saj ne Lojerat Olimpike.