TIRANE- Blerja apo shitja e nje autoveture te perdorur se shpejti do te jete nje veprim per te cilin shqiptaret do te duhet te mendohen dy here.

Ndryshimet e propozuara ne ligjin per taksat kombetare ku perfshihen edhe ato per automjetet pritet te hyjne ne fuqi brenda nje afati kohor prej jo me shume se nje muaj e gjysme, ku pritet te filloje edhe zbatimi i sistemit te ri te taksimit per automjetet e perdorura qe hyjne ne vend apo per shitjen e tyre tek te tretet.

Sistemi i ri i taksimi i propozuar nga Ministria e Financave per automjetet e perdorura bazohet mbi fuqine motorike, vitin e prodhimit si dhe llojin e karburantit qe ajo perdor.

Pra shuma qe importuesi i nje automjeti te perdorur do te paguaje ne dogane do te jete produkt i shumezimit te cilindrates se motorit me koeficientin fiks per cdo vit prodhimi dhe llojin e karburantit qe ajo djeg.

Ligji synon te demoralizoje qytetaret qe te sjellin ne vend automjete te vjetra duke rritur ne menyre te ndjeshme taksat per kete kete kategori mjetesh, pasi shuma qe do te paguhet eshte e lidhur ne menyre te drejtperdrejte me vitin e prodhimit.

Koeficienti fiks per cdo vit perdorimi per autoveturat do te jete 0.5 ndersa per mjetet e tjera, perjashto ato te transportit publik, do te jete 0.25. Nderkohe, taksa fikse per karburantin parashikohet te jete 20 leke per automjetet qe punojne me benzine dhe 25 leke per ato me nafte.

Nese dikush do te importoje nje automjet te prodhuar ne vitin 1998, me fuqi motorike 2000 kubike me nafte do te duhet qe te paguaje 300 mije leke.

Nese automjeti me te njejtat te dhena do te ishte prodhuar ne vitin 2008, taksa do te reduktohej ne vetem 50 mije leke. Te gjithe diferencen prej 250 mije lekesh e krijon vjetersia e automjetit.

E njejta perllogaritje behet edhe per automjetet qe punojne me benzine vetem se ndryshe nga nafta ajo e ka koeficientin e karburantit 20 leke.

Referuar sistemit te ri, asnjerit nuk do ti interesoje te shese apo te bleje nje automjet me vit prodhimi te larget. Kjo pasi taksa e perdorimit parashikohet te paguhet edhe ne rastet kur automjeti shitet dore pas dore.

Taksa qe do te paguhet ne kete rast do te jete diferenca midis shumes qe perllogaritet sipas formules se mesiperme qe del ne momentin e shitjes dhe asaj qe eshte paguar kur ai ka hyre ne vend.

Ne kete menyre, personi qe ka blere automjetin me vit prodhimi 1998 me fuqi motorike 2000 kubike ne momentin e futjes ne dogane ka paguar 300 mije leke, nese do ta perdore deri ne vitin 2012 dhe me pas do ta shese, ai do paguaje nje takse shtese prej 50 mije lekesh. E njejta praktike do te ndiqet edhe nese pronari i ri i automjetit do ta shese perseri ate pasi ta kete perdorur per disa vite.

Per shkak se taksa ne rastin konkret paguhet nga shitesi, ata qe kane automjete te nje viti prodhimit te hershem nuk do te jene te prirur ta shesin ate per shkak te nivelit te larte te taksave.

Me ndryshimet e propozuara ne ligjin per taksat kombetare, qeveria permbush detyrimet e percaktuara nga MSA-ja duke hequr taksen fikse per automjetet e perdorura qe importohen nga vendet e BE-se. Sipas te dhenave te Ministrise se Financave te ardhurat nga importi i makinave gjate vitit 2009 arriten ne 2.9 miliarde leke nderkohe qe regjimi i ri i taksave pritet te rrise edhe me tej te ardhurat ne buxhet.

Si perllogaritet taksa kur importohet

Vjetersi X 0.25 X fuqi motorike X 20 leke (benzine), 25 leke (nafte)

Sugjerohet taksimi i makinave nepermjet matjes se gazrave qe ato emetojne dhe jo sipas vitit te prodhimit

Makinat, deputetet Taksa sipas sasise se gazrave

TIRANE- Miratimi i sistemit te ri te taksave per automjetet e perdorura ka hapur debatin mbi praktiken qe do te ndiqet per percaktimin e tyre. Sipas modelit te propozuar nga Ministria e Financave, perllogaritja e takses do te behet duke marre ne konsiderate fuqine motorike, vitin e prodhimit dhe llojin e karburantit.

Por duke pare se ne thelb kjo takse ka te beje me shume me ndotjen qe i shkakton ambientit automjeti, nje pjese e anetareve te Komisionit Kuvendor te Ekonomise ne te cilin u shqyrtua dje drafti i ri, parashtruan rezervat e tyre mbi praktiken qe parashikohet te ndiqet.

Debati i deputeteve kishte te bente me faktin se cilesimi i takses ne fjale si takse karboni nuk duhet te dale nga nje shumezim ku pjese e tij eshte fuqia motorike por duke matur sasine e gazrave qe automjeti prodhon.

Kete pretendim deputetet e arsyetuan me faktin se mund te kete automjete qe kane vit prodhimit te larget por jane mirembajtur dhe nuk ndotin ambientin ashtu sikur se mund te kete te tjera te konsideruar te reja por qe prodhojne me shume gazra te demshem.

Sipas tyre, zgjidhja me e mire do te ishte taksimi duke iu referuar sasise se gazrave qe emeton cdo automjet. Nuk mund te krahasohet nje automjet qe mund te jete i ri por qe ben dhjetera mijera kilometra ne vit me nje tjeter qe eshte prodhuar me heret por qe nuk eshte perdorur shume, - tha Flamur Noka, anetar zevendesues i Komisionit te Ekonomise.