Forma e mire e Edmond Kapllanit ne kete fillim sezoni konfirmohet nga golat qe sulmuesi shqiptar ka shenuar ne miqesoret e luajtura deri me tani me Karlsruhen. Ne gjashte ndeshje miqesore skuadra nga Baden-Baden ka realizuar 51 rrjeta, dhjete prej te cilave mbajne firmen e lojtarit te Kombetares shqiptare. Goli me i fundit ishte ai i se merkures, ne sfiden me amatoret e Kupenheimit, ku ne te 21-en shenoi golin e pare ne fitoren 6-1, megjithate gjashte minuta me pas Kapllani u duk i nervozuar dhe u ndeshkua me karton te kuq. Moment te mire po kalon edhe Ervin Skela, i cili shenoi dy gola ne fitoren 3-0 qe Energie Kotbus arriti perballe skuadres se Kategorise se Pare çeke, FK Jablonec. Loja e fantazistit vlonjat u vleresua mbi te gjitha per veprimet e bukura ne fushe dhe formen e jashtezakonshme ne kete fillim sezoni. Te premten Kotbus do te ndeshet me Erzgebirge Aue nga Bundesliga 2, klub ku militon sulmuesi shqiptar Skerdilajd Curri. Nderkohe, dje skuadra e Premiershipit, Uest Hem, ka anonçuar blerjen e pare te madhe te veres: Valon Behrami. 23-vjeçari qe luan me kombetaren zvicerane ka pranuar termat personale me drejtuesit e klubit. Tashme mbetet gjetja e marreveshjes me Lacion: italianet pretendojne afro 5 milione euro per kartonin e Behramit, ndersa Uest Hem shpreson te paguaje 2,5 milione.