Shkolla ne shkaterrim, prinderit refuzojne te dergojne femijet ne godinen ekzistuese

Ne prag fillimin e vitit te ri shkollor 92 femije nuk do te kene mundesine te fillojne mbare mesimin pasi godina e shkolles 9-vjecare eshte drejt shkaterrimit te plote. Jane 450 banore te fshatit Paperr-Sallak te komunes Paperr ne rrethin e Elbasanit qe nuk kane nje zgjidhje tjeter vecse ti lene femijet pa mesim.

Objekti shkollor qe tani ka pamjen e nje rrenoje eshte ndertuar ne vitin 1960 dhe sipas deshmive te banoreve dhe mesuesve per vite te tera nuk eshte vene dore ne te.

Per shkak te terrenit te thyer dhe te veshtiresive, banoret nuk kane as mundesine ti cojne ne nje shkolle tjeter te afert femijet e tyre pasi do te duhen plot dy ore ne kembe per te mberritur ne objektin me te afert arsimor.

Godina aktuale eshte pa banka me mure te demtuar, pa tavan dhe pamje te mjeruar. Perroi i Paprrit ka gerryer dheun duke arritur deri ne themelet e shkolles. Gjate dimrit shembja e saj eshte e paevitueshme per shkak te prurjeve te shumta te perroit.

Nje prej mesuesve te shkolles thote se femijet ndjekin mesimet ne kete shkolle per shkak se eshte banor i zones kjo godine duhet te ishte shembur me kohe dhe ne vend te saj te ishte ndertuar nje e re. Ramazan Çela thote se prinderit kane vendosur qe kete vit te mos i sjellin femijet ne shkolle duke bere qe te humbin vitin per shkak te kushteve te godines.

Çdo vit lyerjen dhe mjetet e pakta qe kemi i kemi bere vete pasi ne kete godine nuk eshte vene dore prej shume e shume vjetesh. Per fat te keq femijet nuk mund te shkojne ne nje shkolle tjeter me te mire per shkak te terrenit ku ndodhet ky fshat.

Kryetari i komunes Paperr, Shefqet Bullari thote se prej 10 vjetesh i jane nisur shkresa Drejtorise Arsimore dhe Ministrise se Arsimit per te investuar ne kete shkolle. Pergjigja e ketyre organeve ka qene vetem heshtje duke mos i dhene zgjidhje ketij problemi.

Shkolla eshte ne rrenim te plote por ne nuk mund te bejme asgje pasi komuna nuk ka mundesi te nderhyje per nje investim te permasave te medha per shkak te fondeve te pakta ne dispozicion.

E vetmja zgjidhje qe mund te perballoje komuna eshte marrja e ambienteve me qira, por per fat te keq ky fshat nuk disponon asnje ambient te pershtatshem per zhvillimin e mesimit per 92 nxenesit. Kete vit banoret kane vendosur te mos i dergojne ne shkolle femijet pasi ishte premtuar investimi per shkollen dhe nuk u realizua. Shkolla 9-vjecare e fshatit Paperr-Sallak eshte nje nder shkollat qe nuk i pergjigjet fillimit te vitit shkollor.

Nje shkolle e ngjashme ne te njejten gjendje ndodhet ne komunen Shushice te rrethit te Elbasanit. Kreu i komunes ka deklaruar se shkolla do te mbyllet per shkak se nuk ploteson asnje kusht per zhvillimin e mesimit. Ai ka deklaruar se pas kerkesave te vazhdueshme per investim, pergjigja ka qene vetem heshtje dhe kjo shkolle rrezikon kycin.

Nderkohe jo shume larg qendres se qytetit ne zonen e quajtur NSHU shkolla e re serish nuk do te jete gati per fillimin e vitit te ri shkollor. U deshen edhe 15 milion leke te reja qe ky investim te perfundonte por Ministria e Arsimit nuk e parashikoi nje fond te tille per 4 vjet resht dhe kjo shkolle vazhdon te jete e braktisur.