FRANCE- Besimtaret nuk u besonin vesheve te tyre kur menjehere pas nje meshe ne sheshin e Kishes, prifti i tyre mbajti nje lutje tjeter para kamerave televizive. „Sinqerisht, dhe per kete kerkoj falje, lutem qe zoti Sarkozy te perjetoje nje infarkt ne zemer, tha ai.

Prifti pendohet per fjalet e renda
Fotografite e 71 vjecarit Arthur Hervet, me floke te thinjura dhe sy te kalter si qielli, sot mund te shihen ne te gjitha gazetat. Per lutjen e tij per infarktin e presidentit ai ka kerkuar nderkohe falje me fjalet Kam menduar qe Zoti duhet tia zbuse zemren Sarkozy-s. Kjo sepse per nje prift qe punon ne Lille ku ka probleme te shumta sociale dhe i cili kujdeset per minoritetet, debimi masiv i romeve paraqet nje problem shume serioz.

Sarkozy i harron premtimet dhene papes!
„Kur nje vend ka probleme, duhet gjetur edhe pergjegjesi. Prandaj, qeveria tha romet jane fajtore. Fronti i djathte ekstrem po feston, ndersa romet kane perjetuar nje fat te keq, pohon ai.
Pakenaqesite e kishes jane edhe me te medha, sepse pikerisht Sarkozy, si presidenti i pare i Republikes se peste, ka paralajmeruar me shume mirekuptim per kishen. „Laicizmi pozitiv, laicizmi i hapur, per ne nenkupton thirrje per dialog, tolerance dhe respekt, tha Sarkozy para dy vitesh, me rastin e vizites se Papa Benediktit XVI ne Paris. Papa nuk i ka harruar keto fjale. Ne rastet e ngjashme ai flet italisht apo anglisht, por kesaj radhe foli ne frengjisht.

Teksti i liturgjise na kujton kerkesen per njohjen e te gjithe njerezve. Kjo eshte nje thirrrje per njohjen e ndryshimeve legjitime dhe bashkimin e te gjithe njerezve dhe gjuheve, theksoi papa.

Ministri e kupton mesazhin
Ne France, ku eshte zbuluar diplomacia, ishte menjehere e qarte qe papa foli per debimin e romeve. Ministri i Brendshem Brice Hortefeux i ka kuptuar seriozisht paralajmerimet e Vatikanit, sepse votat e te krishtereve jane per konservatoret te rendesishme. Ai tha se do te takohet me kardinalin francez André Vingt-Trois, per tia shpjeguar politiken e debimeve. Kardinali e ka pranuar kete takim, por ministri shfrytezoi kete rast per te sulmuar te tjeret. „Jam pak i befasuar nga egoizmi i pashembullt dhe fjalet e medha. Po proteston nje pjese e vogel e Parisit, e cila nuk ka ofruar asgje per sistemimin e romeve ne fqinjesine e vet, u shpreh ministri.

Debimi i romeve mund te kushtoje humbjen e zgjedhjeve

Por nese me te vertete eshte fjala per nje grup te vogel njerezish, te cileve po u jepet hapesire teper e madhe ne media, ende nuk eshte e qarte. Gazeta „Libération ka botuar nje sondazh ne te cilin thuhet se 55 per qind e francezeve jane te mendimit qe ne zgjedhjet e vitit 2012 duhet te fitoje nje socialist. Me kete Sarkozy do te futej ne harrese.