Miratimi i nje rezolute ne mbeshtetje te Kosoves dhe dialogu diplomatik per pershpejtimin e procesit te njohjes se shtetit te pavarur te Kosoves, ishte objektivi kryesor i delegacionit te Shqiperise gjate punimeve te Sesionit te 36-te te Keshillit te Ministrave te Puneve te Jashtme i Organizates se Konferences Islamike. Shqiperia u perfaqesua ne kete sesion, e zhvilluar nga 23-25 maj 2009 ne Damask te Sirise, nga nje delegacion i kryesuar prej ministrit te Puneve te Jashtme, zoti Lulzim Basha.

Ne nje deklarate per shtyp, e leshuar nga Ministria e Jashtme, mesohet se ne kete kontekst ministri Basha zhvilloi nje sere takimesh me drejtues te OKI-se dhe me nje pjese te mire te homologeve te tij. Gjate fjales se mbajtur nga ministri yne i Jashtem ne seancen plenare te Keshillit te Ministrave te Jashtem te OKI-se, çeshtja e Kosoves zuri vendin themelor. Ministri Basha, mes te tjerash, theksoi se, "qe nga 17 shkurti 2008, Kosova eshte bere deshmitare e zhvillimeve rrenjesore drejt progresit".

Gjate fjales, ministri Basha theksoi se Republika e Kosoves, deri tani, eshte njohur nga 60 shtete, eshte pranuar anetare e FMN-se dhe eshte bere pjesetare aktive ne nje numer nismash te rendesishme te bashkepunimit rajonal. Ndersa shtoi se se shpejti priten njohje te reja, ashtu si institucione te tjera ekonomiko-financiare, rajonale dhe nderkombetare priten ta pranojne ne gjirin e vet shtetin e ri te Kosoves dhe se akti i njohjes eshte i frymezuar nga bindja e thelle se me Kosoven e pavarur garantohet paqja dhe stabiliteti ne Kosove e ne Ballkanin Perendimor.

Pasi falenderoi shtetet anetare te OKI-se, qe tashme e kane njohur Kosoven si shtet te pavarur, ministri Basha u beri thirrje shteteve te tjera te ndermarrin te njejtin hap, pra te njohin Republiken e Kosoves, pasi, perveç se nje akt solidariteti me popullin e saj, "do te jete edhe nje ndihmese per forcimin e paqes dhe stabilitetit ne rajon, çka do t‘u ofroje te gjithe vendeve te Ballkanit perspektiva te verteta per zhvillimin dhe begatine e tyre te metejshme".

Nga deklarata e Ministrise sone te Jashtme mesohet se ne seancen permbyllese te Samitit te ministrave te vendeve te Konferences Islamike, zhvilluar dje paradite, u miratua me unanimitet te plote, Rezoluta e iniciuar nga Shqiperia, ne te cilen evidentohet qarte se qe nga shpallja e pavaresise me date 17 shkurt 2008, Kosova ka bere progres ne ndertimin e institucioneve demokratike, ka krijuar kuadrin e nevojshem ligjor dhe institucional bashkekohor, ka kontribuar ne ruajtjen e paqes dhe stabilitetit ne rajon. Me tej, kjo rezolute, e cila eshte e para e miratuar nga OKI-ja qe pas shpalljes se pavaresise se Kosoves, u ben thirrje vendeve anetare te Organizates dhe bashkesise nderkombetare ne pergjithesi, qe te vazhdojne te mbeshtesin forcimin e Kosoves dhe ekonomise se saj.

Sipas Ministrise se Puneve te Jashtme, Rezoluta ngarkon Sekretarin e Pergjithshem te OKI-se qe ne sesionet e radhes te ministrave te Jashtem te Organizates te raportoje mbi dinamiken e zhvillimeve ne Kosove, duke e vendosur keshtu Kosoven ne axhenden e perhershme te Organizates se Konferences Islamike. Miratimi i kesaj rezolute deshmon per nje klime krejt te re ne marredheniet e OKI-se me Kosoven, e cila vjen pas njohjes mjaft te rendesishme te saj nga Arabia Saudite para disa javeve dhe njohjeve nga Bahrejni, Gana dhe Unioni i Komoreve.

Rezoluta, e votuar nga te gjitha vendet e OKI-se, edhe nga ata qe nuk e kane njohur pavaresine, e Kosoves, demonstron se Kosova e pavarur eshte nje realitet i pakthyeshem dhe njohja nderkombetare e saj nje proces i panderprere. Republika e Kosoves eshte njohur nga 60 shtete, 13 nga te cilat vende te kesaj organizate dhe te tjera pritet ta njohin se shpejti. Ajo ecen e sigurt dhe e vendosur perpara drejt konsolidimit te shtetit, zhvillimit ekonomik, anetaresimit ne organizatat nderkombetare dhe integrimit ne strukturat evropiane e euroatlantike.