Me ofrimin e financimeve, FMN kushtezon politikat e borxhit dhe ato fiskale. Bode E kemi kaluar ate faze

Bell Kemi mbeshtetur Shqiperine me asistence teknike, nese do te kete nevoje ofrojme edhe financime

TIRANE- Prej me shume se nje viti e gjysme, Shqiperia kishte hyre ne nje stad tjeter marredheniesh me Fondin Monetar Nderkombetar, nga mbikeqyrja direkte nepermjet nje misioni te perhershem ne mbeshtetje me keshilla teknike dhe politike.

Por duket se kjo marredhenie do te marre nje tjeter dimension duke marre parasysh deklaratat e djeshme te kreut te misionit te FMN-se ne Shqiperi, Geruin Bell, i cili krahas mbeshtetjes teknike ofroi edhe mbeshtetjen me ane te financimeve ndaj Shqiperise. Kjo deklarate vjen ne nje kohe kur qeveria ka propozuar shkurtime drastike ne shpenzime si dhe marrja e huave ne tregun e jashtem paraqitet me kosto te medha.

FMN-ja eshte ketu per te ndihmuar. Ne te kaluaren e kemi bere kete nepermjet programeve tona te huadhenies. Ne kete pike ne jemi duke ofruar asistence teknike dhe keshilla politike, por Shqiperia mund te mbeshtetet tek ne per ti ofruar sigurim dhe mbeshtetje financiare nese do te doje, - tha dje Bell gjate konferences se djeshme ne prani te Ministrit te Financave, Ridvan Bode dhe Guvernatorit te Bankes se Shqiperise Ardian Fullani.

Por, per te perfituar nga kredite e FMN-se, fillimisht nje vend duhet te plotesoje disa kushte, te cilat fillojne nga politika qeverisese deri tek ato fiskale, qe tashme duhet te ndermerren sipas direktivave te ketij institucioni.

Pyetjes se mbeshtetja me financime nga FMN do te kthente Shqiperine ne nje stad te kaluar te marredhenieve me kete institucion, kreu i Financave, Ridvan Bode, iu pergjigj se nuk behet fjale per nje gje te tille. Sipas Bodes, vendi yne e ka kaluar stadin kur mbikeqyrej drejtperdrejt nga FMN.

Per te te ofruar kredi, FMN fillimisht kushtezon marrjen e masave per kryerjen e rregullimeve te nevojshme ne nivelin e borxhit publik, deficitit buxhetor, sistemin e taksave, etj. Kur nje vend merr hua nga Fondi Monetar Nderkombetar, qeveria e tij merr persiper qe te rregulloje politika ekonomike per te tejkaluar problemet qe e cuan ate te kerkojne mbeshtetje financiare, - citohet ne faqen zyrtare te FMN-se.

Vitin e shkuar, ne valen e pare te krizes ekonomike qe preku shume vende te botes, FMN pergatiti nje shume rreth 740 miliarde dollare per mbeshtetjen e ekonomive qe do te ndjeheshin ne rrezik. Kusht i perfitimit te kredise ishte qe veshtiresite ne ekonomi te kishin ardhur per shkaqe te jashtme si dhe vendi te kishte performance te mire makro-ekonomike. E. Senja