Frika kryesore e bankiereve jane kredite e keqija. Nis monitorimi nga afer i likuiditetit te bankave

TIRANE- Situata e rende e tregjeve te te gjithe botes dhe sidomos ne Shtetet e Bashkuara te Amerikes ka frikesuar ndjeshem edhe rajonin tone. Guvernatoret e te gjitha bankave te rajonit e kane ndjere kete rrezik dhe mesditen e djeshme jane mbledhur ne Bullgari. Gjate takimit Guvernatoret e bankave qendrore u shprehen se pasojat e trazirave ne tregjet financiare nderkombetare, te cilat filluan ne vitin 2007 dhe jane intensifikuar gjate muajve te fundit, kane pasur deri ne keto momente ndikime te terthorta ose te kufizuara mbi ekonomite e vendeve te Evropes Juglindore.

Aktualisht, bankat me prani te larte ne rajon nuk kane ekspozim te drejtperdrejte ndaj tregjeve, qe po ndikohen nga kjo krize. Ne kete takim moren pjese Guvernatoret e bankave te Bullgarise, Bosnje-Hercegovines, Qipros, Maqedonise, Greqise, Malit te Zi, Rumanise dhe Serbise.

Ekonomite e vendeve te Evropes Juglindore vijojne te deshmojne qendrueshmeri, rritje te larte ekonomike dhe rezistence ndaj mjedisit te perkeqesuar financiar dhe ekonomik ne bote. Guvernatoret e bankave qendrore kane pranuar gjithashtu, pranine e pasigurive te medha per te ardhmen e ekonomive te vendeve te Evropes Juglindore, qe rrjedhin nga ngadalesimi i metejshem dhe i mundshem i normave te rritjes te prodhimit dhe te tregtise boterore, ne rast se kriza financiare globale do te shtrihet ne kohe.

*Ne kete kontekst, guvernatoret theksuan rendesine e te pasurit baza te shendosha financiare dhe ekonomike ne rajon. Duke pasur parasysh rritjen dinamike te kredise ne shume vende te rajonit, autoritetet e tyre mbikeqyrese po monitorojne nga afer kushtet e likuiditetit te bankave dhe zhvillimet e kredise, me qellim sigurimin e cilesise se portofolit te kredive te bankave dhe ruajtjen e stabilitetit financiar. Eshte gjithashtu e rendesishme, qe ne shume vende te rajonit, te forcohen politikat reformuese ne fushen fiskale, strukturore dhe ne ate te te ardhurave, me qellim mbajtjen nen kontroll te presioneve inflacioniste dhe te zhbalancimeve ne llogarine e jashtme korrente*,- u tha gjate takimit te Guvernatoreve te bankave qendrore.

Gjate takimit u vendos gjithashtu qe te pergatitet dhe ruhet nje liste e mbikeqyresve bankare te linjes per cdo grup bankar, qe operon ne vendet e Evropes Juglindore dhe te ngrihet nje grup i vecante ekspertesh per stres-test-et, te cilet do te kene per detyre hartimin e metodologjise per kryerjen e stres-test-eve ne nivel grupi bankar, per cdo grup bankar te vendeve te Evropes Juglindore qe operon ne rajon.