Grupi socialist dhe demokrat ne Parlamentin Europian kerkon nje zgjidhje te balancuar per ngercin politik ne Shqiperi

STRASBURG - Kur nismat e Partise Socialiste per transparencen e zgjedhjeve te Qershorit, po diskutohen e shqyrtohen ne Komisionin e Ligjeve, opozita ka marre edhe mbeshtetjen e Partive Socialiste Europiane per hapjen e kutive te votimit, si e vetmja rruge per te dale nga kriza politike.

Kete qendrim e ka shprehur vete kryetari Grupit te Socialisteve dhe Demokrateve, Martin Schultz.

Ai ka kerkuar qe puna e komisionit hetimor te perfshije nje hetim te plote, duke hapur edhe kutite e votimit te zgjedhjeve te fundit parlamentare, per te vezhguar menyren sesi jane zhvilluar ato.

Vetem ne kete menyre, sipas Shultz, mund te shfaqet nje mundesi e re per dialog konstruktiv midis mazhorances dhe opozites, duke zgjidhur krizen politike e duke ndihmuar njekohesisht edhe procesin e integrimit europian.

Gjate takimeve qe vete lideri i opozites, Edi Rama zhvilloi me kreret e ketyre partive ne Strasburg, ai ka marre edhe garancine e tyre, per kerkesat parashtruara te opozites ndaj mazhorances.

Kryetari i Partise Socialiste, Rama, ka theksuar ne keto takime, se partia qe ai drejton i pranon vendimet e KQZ-se pas zgjedhore dhe nuk synon te ndryshoje rezultatin e tyre. Nderkohe qe jashte diskutimeve nuk eshte lene edhe rasti i komunes "Ruzhdie" te qarkut Fier, ku prokuroria e ketij qarku evidentoi manipulime ne procesin zgjedhor.

Grupi i partive socialiste dhe atyre demokrate europiane kane kerkuar qe forcat politike shqiptare te marrin kohe te mjaftueshme per te arritur ne nje zgjidhje te ekuilibruar te krizes politike ne vend.

Per te pare nga afer situaten politike dhe per te dhene kontributin e tyre ne zgjidhjen e saj, zevendespresidentet e grupit demokrat e socialist, perkatesisht Severin dhe Svoboda theksuan se se bashku me europarlamentare te tjere mund te vizitojne Shqiperine per te dialoguar me te gjitha partite politike shqiptare, me qellim gjetjen e nje kompromisi politik te balancuar.

Me daten 18 mars te javes se ardhshme, Parlamenti pritet te diskutoje e miratoje kerkesat e Partise Socialiste per transparencen e zgjedhjeve te 28 Qershorit, ku bejne pjese ngritja e komisionit hetimor, rregullimi me ligj i punes se ketij komisioni, qe do te synoje edhe hapjen e kutive te votimit, e cila deri me tani eshte refuzuar ne menyre kategorike nga mazhoranca qeverisese, me justifikimin se hapja e kutive prek vendimet e Kolegjit Zgjedhor, si dhe cenon Kushtetuten e vendit.