VLORE - Ne vijim te turit te informues per arsyet pse opozita do te dale serish ne protesta, kreu i Partise Socialiste, Edi Rama, eshte ndalur ne qytetin e Vlores, ku iu pergjigj pyetjeve te nje paneli gazetaresh te ketij qyteti nga ku ka konfirmuar edhe nje here vendosmerine e forces dhe koalicionit qe ai drejton per te kerkuar deri ne fund hapjen e kutive te votimit, si mundesia e vetme per te shpetuar proceset e ardhshme zgjedhore.

Rama edhe nje here ka garantuar vullnetin qe ka Partia Socialiste per te dhene kontributin e saj per zgjidhjen e kesaj krize politike, e cila, sipas tij, nuk mund te zgjidhet vecse duke hetuar ate se cfare kane kutite e votimit brenda. "Ne jemi gati te japin ndihmen tone per kete krize qe nuk eshte vetem politike, por, tashme, po ndihet edhe te familjet shqiptare, te cilat po ndiejne shtrenjtimin e energjise, si pasoje e keqmenaxhimit te ketij sektori nga ana e qeverise", - u shpreh Rama. Ne te kundert, ka theksuar kreu socialist, duke iu pergjigjur pyetjeve te gazetareve, Partia Socialiste dhe koalicioni i partive qe e mbeshtesin ate, jane gati qe te hidhen serish ne protesta, te cilat, sipas tij, ne rast se do te fillojne nuk do te ndalin me deri ne rrezimin e kesaj qeverie. "Nuk ndodh qe PS-ja te dorezohet dhe te thote qe kjo e drejte nuk ekziston dhe nese kjo e drejte do te vazhdoje te mohohet, partia Socialiste do te vijoje te jete jashte parlamentit pavaresisht deklaratave qe mund te jape njera apo tjetra pale", - tha Rama ne fjalen e vet.

Per sa i perket zgjidhjes se ketij ngerci, kryesocialisti ka bere te qarte se ska nje rruge te mesme vec asaj te hapjes se kutive. "E vetmja rruge eshte hapja e kutive dhe nuk ka rruge te mesme, pasi ne te kundert nese nuk realizohet kjo gje, protestat jane shume afer", - tha Rama, por duke mos dhene nje date te sakte se kur te rifillojne ato. Edhe nje here Rama ka dashur te qetesoje gjithkend qe e konsideron hapjen e kutive antikushtetuese, se nje gje e tille nuk eshte per te permbysur rezultatin e zgjedhjeve, por per te treguar realitetin e zgjedhjeve te 28 qershorit, ne menyre qe ne te ardhmen mos te perseriten te njejtat gabime. Rama, gjithashtu, duke komentuar kokefortesine qe po tregon mazhoranca per hapjen e kutive te votimit, ka theksuar se kjo tregon friken qe ndjen Partia Demokratike se pushtetin qe mban nuk e ka mbi baza legjitime, por mbi vota te vjedhura.

"Per sa i perket fitores se zgjedhjeve, ato jane fituar prej partise Socialiste dhe kjo gje duket me se miri nga ngurrimi i Partise Demokratike per te hapur kutite, te cilat fshehin te verteten ne brendesi te tyre", - shtoi kryesocialisti. Kryesocialisti shtoi, gjithashtu, se ne rast mungese te zgjidhjes se krizes, zgjedhjet e parakohshme jane te pashmangshme. Ai evitoi te fliste per Nanon, duke u shprehur me ironi se do te ishte me mire te flitej per Flamurtarin e Vlores, se sa te humbej kohe me te. Ndersa, i pyetur mbi qendrimin e deputeteve te LMN-se per tu futur ne Kuvend, kryesocialisti theksoi se ata qe futen ne Kuvend ikin vete nga PS-ja. Pas Vlores do te jete radha e qytetit te Elbasanit, ku kreu socialist do te vijoje turin e tij te ballafaqimit me gazetaret.


****


Rama mbledh aleatet: Te mos zvarriten negociatat

UPDATE - Nje dite pas tryezes "Topi" per zgjidhjen e krizes politike ne vend, Edi Rama ka mbledhur ateatet e majte per ti bere me dije ate cka u diskutua dje mes tij dhe Berishes. Ne emer te aleateve, ne perfundim te takimit, Paskal Milo u shpreh se "Topi tashme mbetet ne deren e Topit", duke nenkuptuar se krizes duhet ti jape zgjidhje Presidenti i Republikes. "Per ditet e ardhshme nuk eshte vendosur per nje bisede te drejtperdrejte, por tani topi eshte ne zyren e Topit. Ndaj i bej thirrje Presidentit te Republikes te respektoje te drejten kushtetuese per transparencen e zgjedhjeve. Ky nuk eshte nje favor, por nje e drejte kushtetuese e opozites", tha kreu i PDS, Milo.


I te njejtes linje ka qene edhe kryetari i G99, Veliaj i cili u shpreh se "Topi ka shansin te mbetet ne histori, nese jep nje vendim te drejte ne favor te zgjidhjes se krizes, ne te kundert tha ai do te tregoje se i bindet urdherave te partise se tij". Ai shtoi se nese tryeza deshton, atehere opozita do vijoje me protestat. "Kerkesa per hapjen e kutive eshte e drejte dhe transparente. Nuk ka asnje ligj qe te ndaloje hapjen e kutive. Kjo kerkese eshte plotesisht e ligjshme", u shpreh Veliaj.


Ndersa Spartak Ngjela, deklaroi se "transparenca e zgjedhjeve eshte primarja e negociatave, duke shtuar se tashme qe dialogu ka nisur, duhet ti jepet kohe vazhdimit te tyre. Ai tha se "kundershtoj idene e Rames per te organizuar nje proteste te madhe te PS-se ne keto momente. "Kur ta kuptojme se nuk do te gjendet nje zgjidhje, atehere mund te zhvillojme protesten", theksoi Ngjela.



Nderkohe sipas kreut te PDK-se, "opozita nuk ka nje liste kerkesash, por kerkon transparencen e zgjedhjeve". "Kjo eshte e drejte e cdo qytetari per ta pasur nje gje te tille. U ra dakord qe te kete nje date per protestat ne nje kohe sa me te shpejt", theksoi Ndoka.

*****

PS, memorandum per zgjidhjen e krizes

Pak kohe para nisjes se treyzes se dialogut, Partia Socialiste ka dorezuar ne Presidence nje memorandum per zgjidhjen e krizes politike. Te njejtin memorandum u ka shperndare me tej edhe perfaqesive diplomatike ne vend.

Ne Memorandum theksohet padurimi i PS-se per lejimin e nje hetimi te plote e te pakushtezuar te zgjedhjeve te shkuara per tu kthyer nje ore e me pare ne Kuvend.
Sipas tij, kriza u shkaktua jo si pasoje e bojkotit qe iu be Kuvendit nga PS, por se ishte kriza politike ajo qe provokoi bojkotin.

"Qendrimi refuzues i qeverise ndaj se drejtes sone kushtetuese per hetim te plote e pa kushte te zgjedhjeve, posacerisht refuzimi antikushtetues per te perfshire kutite e votimit ne objektin e hetimit parlamentar, vendosi bojkotin e opozites dhe nisjen e sezonit te protestave"- thuhet ne memorandum, ku shtohet se bojkotimi i Kuvendit eshte nje e drejte kushtetuese dhe kjo per marrjen e pushtetit ne tavoline.

"Permbajtja e objektit te hetimit parlamentar qe duam te kryejme ka lidhje me ceshtje te tilla si mungesa e zbatimit te ligjit ne lidhje me procesin e numerimit dhe vleresimit te votave, procesin e parregullt te votimit ne qendrat e votimit, mangesite e konstatuara ne perdorimin e teknologjise mbeshtetese te monitorimit ne procesin e numerimit te votave"- theksohet me tej ne te.