Modalitetet per hetimin e zgjedhjeve.
Si do te procedohet me ceshtjen e fleteve te votimit.

Deputetet e djathte votuan dje kunder kandidatures se trete te propozuar nga presidenti Topi per Gjykaten e Larte

TIRANE - Deputetet e djathte kane rrezuar ne Parlament dekretin e trete te Presidentit te Republikes per ne Gjykaten e Larte. Rrezimi i kandidatures se Vexhi Mucmates u be vetem me votat e deputeteve te Partise Demokratike, ndersa deputetet e opozites braktisen sallen. Vexhi Mucmataj eshte dekreti i dyte pas asaj te Sokol Çomos qe mazhoranca nuk jep pelqimin per ne Gjykaten e Larte.

Sipas demokrateve, kandidati Mucmataj ka integritet moral dhe profesional te manget dhe se ai nuk perben kandidaturen e pershtatshme per te dhene pelqimin per detyren madhore te gjykatesit te larte. Por, edhe dje, ashtu si edhe ne Komisionin e Ligjeve, Mucmataj ka percare mazhoranen.

Tre deputetet e LSI-se dhe abstenimi i disa deputeteve te tjere te djathte ka bere qe mazhoranca te mos ishte kompakte ne rrezimin e kandidatures se Mucmatajt.
Procesi i votimit, ashtu si edhe per dy dekretet e tjera te presidentit u zhvillua me votim te hapur. Te pranishem ne votim ishin 72 deputete, prej te cileve 65 votuan kunder kandidatures se Mucmatajt per ne Gjykaten e Larte.

Kater deputete votuan pro, ndersa tre te tjere abstenuan. Tre deputetet e LSI-se, Lefter Koka, Nasip Naco dhe Dritan Prifti, dhane pelqimin e tyre per dekretin e presidentit. Edhe ne Komisionin e Ligjeve, deputeti i LSI, Nasip Naco, paralajmeroi voten e tij dhe te grupit qe perfaqeson pro kandidatures se Vexhi Mucmatajt per ne Gjykaten e Larte.

Sipas Nacos, perfundimet e arritura nga deputetet e djathte nuk jane realiste, pasi nuk kane njohje te drejtperdrejte me prokurorin Mucmataj dhe per aktivitetin qe ai ka ushtruar pas viteve 90-te, kohe kur ka mbajtur poste te larta ne gjyqesorin shqiptar.

Edhe deputeti i PDU-se, Shpetim Idrizi, votoi pro kandidatures se Mucmatajt, ndersa abstenuan Dashamir Tahiri, Fatmir Mediu dhe Paulin Sterkaj. Partia Socialiste nuk mori pjese ne procesin e votimit per dekretin e Mucmataj, ashtu si edhe ne Komisionin e Ligjeve ku deputetet e majte nuk u paraqiten ne momentin e votimit te relacionit per dekretin e trete te presidentit per ne Gjykaten e Larte.

Nje tjeter arsye per rrezimin e kandidatures se trete te presidentit Topi per ne Gjykaten e Larte, sipas mazhorances, lidhet edhe me sherbimin qe kandidati ka bere ne strukturat represive te regjimit te vjeter komunist ne rolin e hetuesit dhe qe per deputetet e djathte ka qene drejtperdrejt i perfshire ne hetimin e veprave te nje natyre politike.

Per demokratet, nje fakt i tille bie ndesh me kerkesen publike, morale dhe institucionale te mazhorances se Kuvendit se nuk mund te konsideroje depozitare te besimit te saj institucional, individe me karriere gjyqesore, prokurore apo hetues qe kane marre pjese ne hetimin e veprave politike para vitit 1990.

Topi i dorezon Bicit dekretin e emerimit

Presidenti i Republikes, Bamir Topi, i dorezoi dje paradite ne Presidence gjyqtarit Medi Bici dekretin e emerimit ne Gjykaten e Larte, duke e pergezuar dhe duke i uruar njekohesisht suksese ne detyren e rendesishme dhe plot pergjegjesi.

Anetari me i ri i Gjykates se Larte, Medi Bici u propozua nga Presidenti Topi per ne Gjykaten e Larte me 25 maj 2010 dhe kandidatura e tij u votua dhe u miratua ne Parlamentin shqiptar javen e kaluar.

Medi Bici eshte e vetmja kandidature qe mori pelqimin edhe te Parlamentit. Dy emrat e tjere te dekretuar nga Presidenti, Sokol Çomo dhe Vexhi Mucmata, nuk munden qe te marrin pelqimin e deputeteve te djathte. Ndersa opozita nuk ka marre pjese ne votime, pasi kundershton ndryshim e Rregullores se Kuvendit qe percakton se votimi do te behej i hapur.