Kryesia e partise se Metes: PS-ja te mos i llogarise kater mandatet tona

Levizja Socialiste per Integrim do te prese perfundimin e procesit te numerimit te votave, qe percaktojne mandatin e fundit, qe pastaj te mbaje nje qendrim per levizjen e ardhme politike. Kryesia e LSI-se, pas mbledhjes se mbremshme, nuk arriti te jape nje perfundim te qarte se cilet do te jene hapat e kesaj force te majte opozitare, pas numerimit te shumices se kutive te votimit.

Zyrtare te kryesise se LSI-se thane se objekt kryesor i mbledhjes se kryesise ka qene analiza e procesit zgjedhor dhe e numerimit te votave, duke e quajtur ate nje situate te rende dhe pa standarde.

Anetaret e kryesise kane perseritur akuzat ndaj dy partive te medha, se kane shtremberuar rezultatin e votimeve ne shume zona ku LSI-ja ka patur nje prani te ndjeshme dhe ku priste nje rezultat te mire. Si argument jane perdorur disa rezultate ku LSI-ja nuk ka marre vota, si ne Qarkun e Fierit, ne KZAZ-te 19, 20 dhe 23, apo ne Tirane dhe keto raste do te ndiqen me rruge ligjore.

"LSI-ja vendosi qe te ndjeke ne vazhdimesi rezultatet dhe nxjerrjen e tyre perfundimtare, ne menyre qe te kemi te qarte ndarjen e mandateve, por edhe te dime perfundimisht se kush eshte shprehja zyrtare e KQZ-se mbi perfundimin e zgjedhjeve ne Shqiperi,"- u shpreh pas mbledhjes se kryesise, sekretari i pergjithshem, Petrit Vasili.

"Qendrimi yne per koalicionet do te jete pasi te shpallet zyrtarisht rezultati ne Qarkun e Fierit", - u shprehen mbreme per "Shekulli"-n burime prane kryesise se LSI-se.

Fjala eshte per numerimin e votave, qe po ndodhin ne tre kuti te KZAZ-se nr.20, qe jane gati per t'u numeruar ne KQZ, tek te cilat PS-ja kerkon rikonfirmimin e mandatit te 9-te, ndersa PD-ja kerkon ta rrembeje kete ne favorin e vet, qe te siguroje 71 mandate.

Sa i perket ndertimit te koalicioneve, Vasili tha se ky hap do te merret me vone: "LSI-ja nuk ka asnje vendim politik lidhur me çeshtjen e ndertimit te koalicioneve qe kane te bejne me qeverisjen e re, ajo ka ngarkuar te gjithe grupin e eksperteve dhe personave te ndjekin kete proces dhe po pret me qetesi rezultatin perfundimtar te zgjedhjeve, dhe mbas marrjes se rezultatit, analizes se kontekstit politik, shoqeror dhe elektoral, do te mbledh forumet e saj dhe do t'ju njoh me keto vendime ne kohen dhe momentin e duhur", - u shpreh ai.

Kur kane mbetur edhe disa dhjetera kuti per t'u numeruar, por qe nuk ndryshojne asgje ne shifrat e tanishme qe jane fiksuar ne raport te barabarte mes se majtes dhe se djathtes, 70 me 70, roli i LSI-se me kater mandate deputetesh eshte bere shume intrigues dhe vendimtar per PS-ne dhe PD-ne.

Por, sekretari Vasili i denoi deklaratat e PS-se, qe ne çdo deklarim publik, llogaritin edhe kater mandatet e LSI-se, per te thene se e majta dhe e djathta jane ne barazim.

"Rama s'ka asnje te drejte, as politike, as publike, as morale, qe te flas ne emer te mandateve te LSI-se",- tha ai. Vasili motivoi edhe deklaraten e dy diteve me pare te kandidatit, Dritan Prifti, duke perseritur qendrimin e kryetarit te LSI-se, Ilir Meta, se ka qene nje opinion personal i z. Prifti.

"Ka qene nje opinion edhe nen peshen e nje trysnie antiligjore, kriminale, qe jane konsumuar ne rrethin e Fierit, qe shpjegojne edhe karakterin e forte emocional qe kane pasur deklaratat e djeshme e z. Prifti, por qe s'ka te beje fare me qendrimet e kryesise te forumeve te LSI-se", -tha sekretari i pergjithshem i LSI-se.

Te merkuren e shkuar, kandidati per deputet i LSI-se, Dritan Prifti, tha se do te ishte ai mandati i 71-te i Berishes, por qe u cilesua nga kryetari i LSI-se, Meta, si nje reagim emocional.