Altin Lala beson te forca e perfaqesueses se Shqiperise. Kapiteni kuqezi beson se Shqiperia mund te shkaktoje surprizen e radhes, duke fituar 6 pike te plota nga dy sfidat eliminatore te Boterorit 2010. Te shtunen skuadra e drejtuar nga Ari Han luan perballe Hungarise ne stadiumin e jashtezakonshem te Budapestit, "Ferenc Pushkash", ndersa kater dite me vone ata luajne ne Portugali. Pas barazimit me Suedine dhe fitoren bindese kunder Maltes (te dyja ndeshjet jane zhvilluar ne Tirane), per here te pare ne histori Kombetarja kryeson nje grup eliminator ne evenimentin me te rendesishem boteror. Megjithate, sfidat e radhes jane shume te veshtira. Kjo jo vetem prej faktit se luhen ne fushen kundershtare, por edhe sepse fillimisht luhet me nje rival direkt per vendin e katert, ndersa me pas vjen perballja me skuadren me te kuotuar per te fituar grupin. Megjithate, kapiteni shqiptar nuk trembet, madje guxon te mendoje piket maksimale. "Ne dy ndeshjet e ardhshme mund te llogarisim edhe fitimin e 6 pikeve", ka deklaruar Lala per tabloidin gjerman, "Bild". Sfida e se shtunes do ta vendose mesfushorin shtatshkurter kunder shokut te tij te skuadres te Hanoveri, Szhabolks Huszhti. 32-vjeçari tregon se sfida eliminatore ka qene tema e dites ndermjet tij dhe hungarezit. "Per kete ndeshje kemi disa dite qe diskutojme dhe secili nga ne shpreh besimin se skuadra e tij do te fitoje", pohoi futbollisti shtatshkurter. Ai konfirmoi edhe vendosjen e nje basti, i cili do te shlyhet kur te perfundojne impenjimet nderkombetare dhe te takohen te klubi i Bundesliges gjermane. Nderkohe, ne mesjaven e ardhshme, Kombetarja shqiptare do te provoje forcat me favoriten e Grupit 1, Portugaline. Nje pike kunder ekipit te udhehequr nga superylli i futbollit boteror, Kristiano Ronaldo, do te ishte nje surprize e jashtezakonshme, por Lala mendon per me shume. "Ne futboll gjithçka eshte e mundur", theksoi Lala dhe shton duke qeshur: "Ndermjet Huszhtit dhe Ronaldos nuk ka shume dallim".

Stervitja - Me ne fund me kontingjent te plote, pas ardhjes se Telit dhe Hykes, Kombetarja ka filluar stervitjen me dy seanca ne dite. Lajmet qe vijne nga Budapesti jane mjaft pozitive, mbi te gjitha per sa u perket demtimeve. Debatik Curri nuk ka me dhimbje pas nje goditjeje qe kishte marre ne Ukraine, ndersa Klodian Duro ka filluar te stervitet pjeserisht me grupin. Elvin Beqiri dhe Hamdi Salihi punuan te diferencuar: per mbrojtesin mendohet se rikuperimi do te vije ne kohe, ndersa per sulmuesin situata eshte disi me problematike. Nderkohe, burime zyrtare te FSHF-se kane hedhur kategorikisht poshte spekulimet se Lorik Cana eshte demtuar dhe u largua nga stervitje. "Loriku eshte lojtari me ne forme i skuadres dhe nuk eshte e vertete qe eshte demtuar", pohuan zyrtare te federates.