Libri me poezi te perkthyera ne anglisht nga krijimtaria e poeteshes shqiptare, Luljeta Lleshanaku u pershkrua shkurtimisht ne numrin e djeshem te gazetes se njohur amerikane The New York Times, ne nje shkrim kushtuar disa botimeve te reja.

Ne universin e medias, planeti i vogel i poezise titullohet shkrimi i Dana Jennings ne gazeten njujorkeze qe terheq vemendjen te shtepite e vogla botuese amerikane qe vazhdojne te botojne poezi, ndonese keto lloj botimesh nuk kane ndonje sukses ne treg.

Grate dhe burrat qe drejtojne shtepite e vogla botuese, shpesh ne shtrengice te skajshme financiare, e dine ne thellesi te vetes se ndonese mbetet nje pune kulturore e nencmuar, poezia eshte e nevojshme.

E dine se poezia, edhe nese perbuzet nga bota e gjere kulturore, nuk skadon kurre, shkruan Jennings perpara se te pershkruaje disa vellime poetike te botuara kohet e fundit, te cilat deshmojne se si poezia mbijeton, madje edhe gjallon ne ujerat e definicionit te larte te masmedias.
Me poshte vijon, pershkrimi i librit te poeteshes shqiptare

CHILD OF NATURE (Femije e natyres) nga Luljeta Lleshanaku
Perkthyer nga Henry Israeli dhe Shpresa Qatipi
93 faqe botuar nga New Directions - cmimi $13.95.

Luljeta Lleshanaku u rrit ne gjendje arresti shtepiak ne Shqiperine totalitare. E lindur ne 1968, asaj nuk iu lejua qe te ndjeke studimet ne universitet apo te botonte poezite e saj deri ne vitet e para 1990, pas renies se komunizmit. Mirepo, ndonese frymezohen nga e kaluara, poezite e saj te brishta, jane te terthorta dhe rralle behen polemike.

Melankolia e muzget qe pershkon Shqiperine e saj ku shiu i bute bie si apostrofe ne nje bisede mes dy boteve, trungjet familjare rrezohen nga renia e rrufese dhe shumica e diteve i bejne jehone nje vetmie metalike ngjyre gri.

Keto detaje gershetohen duke thurur pamjen e nje Shqiperie te nje mergimi te brendshem dhe ne fund, ndihemi me fat qe znj. Lleshanaku na ka ftuar ne ngritjet dhe uljet fluturuese ne pisten e shpirtit te saj.

(Ruben Avxhiu eshte kryeredaktor i gazetes Illyria ne New York)