TIRANË- Ka marre fund odiseja e gjate e listave te Partise Socialiste. Me ne fund, Komisioni Qendror i Zgjedhjeve i ka hapur driten jeshile PS-se, dhe ka pranuar te miratoje me konsensusin e te gjithe anetareve, listat shumemerore me te cilat socialistet do te garojne ne zgjedhjet e ardhshme parlamentare te 28 qershorit.

Selia roze kishte reflektuar ndaj kerkeses se KQZ-se, duke plotesuar kriterin e kuotes se perfaqesimit te femrave ne lista ne masen 30 per qind ne qarkun e Lezhes, por duke bere dhe nje sere ndryshimesh te tjera ne listat e qarqeve Shkoder dhe Kukes, ç'ka ka sjelle edhe reagimin mospajtues te perfaqesuesit te PD-se ne kete institucion.

Listat

Partia Socialiste ka ndryshuar, per te dyten here, brenda vetem pak ditesh nje pjese te listave te saja shumemerore ne qarqet Lezhe, Shkoder dhe Kukes.

Ne qarkun e Lezhes PS ka mundur t'i pergjigjet detyrimit ligjor, per te pasur 30 per qind te listave me perfaqesim te seciles gjini, duke ecur ne praktiken e vendosur disa dite me pare nga demokratet, duke shtuar ne menyre fiktive ne fund te listes, emrin e Linda Frrokut, e cila eshte renditur e teta ne kete zone zgjedhore, pavaresisht se aty do te garohet vetem per shtate mandate.

Por ndersa per qarkun e Lezhes ndryshimi ishte i detyruar edhe nga vendimi i dites se shtune, qe u mor nga KQZ, PS ka bere edhe disa ndryshime ne listat e Shkodres dhe te Kukesit, ku ka rikthyer ne to emrat e hequr gjate ndryshimit te pare, duke i renditur ato te fundit ne lista.

Keshtu, ne zonen e Shkodres eshte rikthyer ne gare megjithese ne menyre fiktive, Helidon Bele, i cili tani renditet i 12, pavaresisht se ne kete qark, do te dalin vetem 11 deputete. Rifutja e Beles ne liste nuk ka sjelle ndryshimin e pjeses tjeter te listes.

E njejta praktike eshte ndjekur edhe ne qarkun e Kukesit, ku ndryshimi i bere, se pari ka ndryshuar renditjen, pasi perveç se shtohet emri i Hasije Zenelajt si shtese ne fund te listes, ka ndryshuar edhe renditja e kandidateve. Rexhep Ukperaj rikthehet ne vendin e trete ndersa Tatiana Kerxhalliu ne vendin e katert.

Debati

Ndryshe nga sa pritej per shkak edhe te vet rendesise dhe ndjeshmerise se çeshtjes se listave te kandidateve, mbledhja e djeshme e Komisionit Qendror te Zgjedhjeve ka zgjatur fare pak, pasi te gjithe anetaret e KQZ-se kane miratuar te gjitha listat, qe ishin paraqitur per shqyrtim nga administrata.

Perjashtim ka bere vetem diskutimi i ekipit te kandidateve te paraqitur prej socialisteve, kjo per vet faktin se selia roze ne kundershtim me rekomandimin e KQZ-se, por jo ne kundershtim me ligjin, kishin bere ndryshime jo vetem ne qarkun e Lezhes per te cilen dhe iu refuzua lista here e shkuar, por edhe ne dy qarqe te tjera, te cilat kishin pesuar zevendesime dhe levizje kandidatesh edhe here te tjera gjate ketyre diteve.

Behet fjale per shtim kandidatesh me shume sesa eshte numri i mandateve ne qarqet Shkoder dhe Kukes.

Ka qene perfaqesuesi i PD-se ne kete komision, Njazi Kosovrasti, ai qe ka kontestuar nje praktike te tille, duke kembengulur se ndryshimi i listave te cilat kane qene ne rregull gjate shqyrtimit te pare nga ana e KQZ-se, eshte i paligjshem dhe tejkalim te vendimit te ketij institucioni.

"Jane bere perseri ndryshime ne listen e PS-se, jo vetem ne qarkun e Lezhes ku kerkohej te plotesohej kuota e perfaqesimit te femrave, por edhe ne dy qarqe te tjera.

Pra jane bere perseri ndryshime ne listen e PS-se, pasi tani na vjen nje renditje e re, si dhe kemi nje shtim kandidatesh me shume se kane mandate keto qarqe. Mua me vjen mire qe PS ka kopjuar taktiken tone, por koha se kur behet kjo, eshte jo e ligjshme", - tha Kosovrasti.

Ndaj ketij pretendimi ka reaguar perfaqesuesi socialiste ne KQZ, i cili ka theksuar se ndryshimet ne lista jane bere konform hapesirave ligjore dhe vendimi i ndermjetem i ketij institucioni nuk u ndalon forcave politike te bejne amendime te listave, persa kohe ato nuk jane miratuar ne menyre perfundimtare.

Pavaresisht debateve mes perfaqesuesve, KQZ ka miratuar me 7 vota pro dhe asnje kunder listat e PS-se.
Mbeten per tu miratuar sot dhe neser edhe listat 22 subjekteve te tjera zgjedhore

Lista e kandidateve,
KQZ miraton 14 parti politike

TIRANË- Ka mberritur ne 14 numri i forcave politike te cilave u eshte pranuar lista e kandidateve per deputete nga ana e Komisionit Qendror te Zgjedhjeve.

Gjate mbledhjes se djeshme, ky komision ka pranuar te regjistroje ne menyre perfundimtare edhe listat e nente forcave te tjera, nderkohe qe me pare ishin miratuar 5 parti.

Perveç listave te selise roze, ky komision ka pranuar te konsideroje konform detyrimeve ligjore listat e paraqitura prej Partise Balli Kombetar Demokrat, i cili perveçse kishte plotesuar dokumentacionin, kishte bere edhe nje ndryshim ne perberjen e nje prej qarqeve.

Po ashtu jane miratuar edhe listat e Bashkimi Liberal Demokrat, partise Bashkimi per te Drejtat e Njeriut, Levizjes per Zhvillim Kombetar, partise Lidhja Demokristiane, partise Konservatore Shqiptare, partise Aleanca Maqedonase per Integrim dhe partise Demokracia Sociale.

Disa dite me pare u miratuan edhe listat e partise se Gjelber Shqiptare, partise se Emigranteve, Levizja Socialiste per Integrim, Levizja e Legalitetit dhe partise Demokratike. Mbeten per tu miratuar sot dhe neser edhe listat 22 subjekteve te tjera zgjedhore qe kane depozituar ekipet e tyre me te cilat kerkojne te konkurrojne ne zgjedhjet e 28 qershorit.

Gjate mbledhjes se djeshme, kryetari KQZ-se, Arben Ristani i ka bere dhe nje apel publik te gjithe drejtuesve te njesive vendore, qe te paraqesin sa me pare listen perfundimtare te zgjedhesve, duke vene ne dukje faktin se çdo vonese ne kete drejtim kercenon procesin zgjedhor.

"Detyra e njesive vendore eshte te sjellin listat perfundimtare. Kane afat deri diten e shtune por nuk duhet te ndjekin te njejten procedure qe ndoqen per listat paraprake sepse ndryshe vihet ne veshtiresi procesi, pengohet prodhimi i fleteve te votimit dhe procedurat e tjera.

Njesite e qeverisjes vendore kane per detyre te sjellin ne KQZ, listat perfundimtare te zgjedhesve.

Sipas ligjit, ato duhet te sjellin prane Komisionit, numrin e zgjedhesve per çdo qender votimi, numrin e çdo qendre votimi dhe vendndodhjen e çdo qendre votimi. Ne sot jemi ne prag te perfundimit te ketij procesi dhe akoma nga njesite vendore nuk ka ardhur nje e dhene e tille",- tha Ristani.

Ndryshimet e fundit te PS-se

Lista e PS-se ne qarkun Lezhe

Gjok Jaku
Gjovalin Kadeli
Armando Prenga
Ndrec Deda
Manushaqe Kuli
Dava Gjoka
Fran Marku
Linda Frroku

Qarku Kukes

Asllan Dogjani
Fatmir Hoxhaj
Rexhep Ukperaj
Tatiana Kerxhalliu
Hasije Zenelaj

Qarku Shkoder

Ilir Beqaj
Tom Doshi
Ndue Kola
Astrit Beci
Paulina Hoxha
Suzana Golemi
Nikolin Dedvukaj
Falma Fshazi
Agim Shimaj
Luan Heta
Arta Gjonaj
Helidon Bele