Ështe eliminuar me turp nga Intertoto dhe per momentin po mundohet te lere pas ate dhimbje te madhe qe i la humbja 3-0 ne "Niko Dovana" ndaj Grasshopersit. Tashme drejtuesit e saj kane filluar te mendojne per sezonin e ri futbollistik, ku sipas deklarimeve fundit te presidentit Nexhat Bizhdili, objektiv do te jete lufta per titullin kampion. Ky synim e ka bere ate qe te konfirmoje per sezonin e ardhshem edhe nje nga futbollistet me te mire te Beses. Tashme eshte zyrtare qe Bledar Mancaku do te vazhdoje te luaje edhe te pakten per nje sezon me Besen, me te cilen ditet e fundit ai mesohet se ka firmosur nje kontrate 1-vjeçare. Ai ka pranuar oferten e presidentit Nexhat Bizhdili per te vazhduar edhe per nje sezon dhe do te jete serish pjese e skuadres kavajase. Dy vite me pare, Mancaku ka luajtur me Teuten, ku u formua si futbollist, por tashme duket se eshte ambientuar ne klubin verdhezi te Kavajes, me te cilen do te vazhdoje te jete pjese edhe per edicionin 2008-2009. Besa vazhdon te perforcoje radhet e saj pas largimit te Andi Liles ne drejtim te Tiranes. Presidenca ka gjetur akordin me tre futbolliste kosovare, te cilet kane qene protagoniste ne sezonin e fundit ne kampionatin e shtetit me te ri te botes.