Balla PS, e vendosur ne qendrimin e saj per te mos prishur marredheniet me NATO-n

TIRANE - Nje dite pas tentatives se mazhorances per te kaluar projektligjin per Sherbimin Informativ Shteteror ne Parlament, ka reaguar zv.kryeministri dhe njekohesisht kryetari i Levizjes Socialiste per Integrim.

Ilir Meta eshte shprehur se deputetet e kesaj force nuk do te votojne ndryshimet qe mazhoranca kerkon ti beje ligjit per SHISH. Sipas kreut te LSI-se, Shqiperia duhet te konsultohet me partneret e saj te huaj, duke perfshire edhe NATO-n ndersa per momentin ka ceshtje me te rendesishme per tu marre.

Proceset e permiresimeve ligjore kerkojne kohen e tyre dhe absolutisht gjithcka duhet te realizohet ne bashkepunim dhe mirekuptim te plote me Aleancen, sepse nuk kemi te bejme me nje ligj te zakonshem, por me nje proces shume delikat. Qendrimi yne eshte shume parimor dhe i qarte. Pa perfunduar konsultimet me NATO-n, asnje ndryshim nuk do te ndodhe dhe nuk ka perse te ndodhe ne kete ligj, - sqaroi Meta.

Nderkohe, Partia Socialiste shprehet e vendosur per te mos u terhequr nga vendimi per te rrezuar projektligjin e qeverise, i cili i rrit kompetencat kryeministrit Berisha. Duke komentuar qendrimin e LSI-se kunder ligjit per SHISH, deputeti i PS, Taulant Balla, deklaroi se vendimi i deputeteve te LSI-se eshte nje arsye me shume per ti lene mazhorances per te kuptuar rendesine e ruajtjes se marredhenieve te mira me SHBA dhe me NATO-n.

Partia Socialiste ka marre nje vendim per te qendruar fort ne mbrojtje te marredhenieve kaq te mira ne partneritet me SHBA-ne dhe me NATO-n, - deklaroi deputeti socialist, Taulant Balla.