Te kercyerit ne publik nuk lejohet ne Iran, por mijera te pranishmit gjate fushates se djeshme presidenciale te zhvilluar ne kryeqytet e kishin te veshtire ta mbanin veten. Thirrjet e papermbajtura nuk i drejtoheshin kandidatit te shumepritur presidencial, Husein Musavi, por bashkeshortes se tij - nje grua qe gjithnje e me shpesh po quhet Mishel Obama e Iranit. Krahasimi me Zonjen e Pare te Shteteve te Bashkuara te Amerikes ka lindur nga roli qe Zahra Rahnavard po luan perkrah te shoqit, ndersa ky po kandidon per Presidencen e vendit.

Kurre me pare ne historine e ketij vendi nje kandidat presidencial nuk e kishte nxjerre bashkeshorten ne balle te fushates elektorale. Zahra Rahnavard gjendet kudo shkon i shoqi. "E shohim dhe themi, ‘duam qe ne te ardhmen te jemi si ajo‘", thote Shakiba Shakerhozi, nje prej 12 mije te pranishmeve ne stadiumin e mbyllur "Azadi" (Liria) ku Zahra Rahnavard edhe u drejtoi fjalen te pranishmeve.

Irani u kthye ne republike islamike ne vitin 1979, me renien e monarkise qe mbreteronte vendin, nderkohe qe Shahu Muhamed Reza Pehlavi u detyrua te largohej nga vendi. Kjo i dha fund edhe rolit ceremonial qe gezonte Zonja e Pare e vendit, Mbreteresha Fara.

Ne takimin ne fjale, Zahra Rahnavard - shkrimtare dhe me titullin profesor ne art - foli ne emer te te shoqit, i cili ne ate moment gjendej ne nje takim tjeter. Me nje shami te zbukuruar ne koke dhe e veshur sipas stilit tradicional, pretendentja per t‘u bere Zonja e Pare e Vendit vuri theksin te lirite e humbura gjate qendrimit ne pushtet te Presidentit Mahmud Ahmedinexhad. "Shpresoj se liria e fjales, e penes dhe liria e mendimit nuk do harrohen", tha Zahra Rahnavard. Turma, burrat te vendosur ne nje ane dhe grate ne tjetren, e brohoriste me thirrje te zjarrta. Shume prej te pranishmeve qene te moshave te reja dhe nuk e fshehen qe arsyeja per te cilen gjendeshin aty qe bashkeshortja e kandidatit Musavi. "Jam vertet e zemeruar me pozitat e gruas ketu ne Iran", tha Sagar Kuhestani, duke shtuar se e mbeshteste Musavin per shkak te se shoqes.

Musavi, ish-kryeminister, konsiderohet si rrezik real per kandidaturen e Presidentit Mahmud Ahmedinexhad. Kujtohet si njeriu qe diti ta menaxhoje me sukses ekonomine e Iranit gjate nje lufte te perbashket me Irakun ne vitet tetedhjete. Profesori i shkencave politike, Muhamad Maranadi i jep me pak peshe rolit te Zahra Rahnavard ne zgjedhjet presidenciale. Thote se ajo mund te gezoje simpatine e reformisteve dhe te grave, por ajo qe do percaktoje fatin e zgjedhjeve jane ekonomia dhe perfaqesimi ne debatet e drejtperdrejta mes kandidateve.