Debate te ashpra ne Parlament, mazhoranca rivoton ligjin qe rrezoi dy muaj me pare Gjykata Kushtetuese

TIRANE - Kuvendi votoi mbreme ne seance plenare mes debatesh ndryshimet ne ligjin Per Kthimin dhe Kompensimin e Prones, nje pjese e te cilit ishte hedhur poshte nga Gjykata Kushtetuese.

Me vendimin nr. 27, Kushtetuesja shpalli ne kundershtim me ligjin themeltar te shtetit te drejten e kreut te Agjencise se Kthimit dhe Kompensimit te Prones per te hedhur poshte vendime te marra ne fillim te viteve 90-te nga Komisionet e Kthimit dhe Kompensimit te Prones.

Pas hedhjes poshte te neneve 15 dhe 16 te ligjit, mazhoranca me nismen e deputetit Enkelejd Alibeaj, propozoi draftin e miratuar mbreme mes debatesh te forta midis deputeteve.

Sipas deputeteve socialiste, projektligji ne fjale ishte i njejte me ate qe hodhi poshte Gjykata Kushtetuese, duke paralajmeruar edhe ridergimin e ketij ligji per verifikim te kushtetutshmerise ne gjykate. Nga ana tjeter, sipas te djathteve, ky ligj rregullon me se miri problemin e prones ne vend, duke shmangur padrejtesite e ndodhura gjate 20 viteve te fundit.

Ne thelb drafti i miratuar mbreme, parashikon te njejten procedure ne shqyrtimin e ankimeve per pronat, me ndryshimin se ne fund eshte gjykata ajo qe merr vendimin perfundimtar.

Per te marre ne shqyrtim nje vendim te meparshem per pronat, fillimisht duhet te plotesohet nje nga kushtet e percaktuara ne ligj, sic jane, dalja e fakteve te reja shkresore qe kane rendesi per ceshtjen, te cilat nuk diheshin ne momentin e marrjes se vendimit te meparshem; vertetimi se aktet shkresore mbi te cilat eshte marre vendimi i meparshem nuk jane te verteta ose zyrtaret qe kane leshuar ato jane denuar me pas penalisht; vendimi permban nje akt material te gabuar; zyrtaret qe kane marre pjese ne vendim jane denuar per vepra penale, te cilat kane ndikuar ne marrjen e tij dhe vendimit te jete bazuar mbi nje vendim tjeter, i cili me pas eshte ndryshuar.

Pasi te kete verifikuar keto pika, AKKP merr vendimin per marrjen ose jo ne shqyrtim te ankeses. Referuar fjales se Ministrit te Drejtesise, Bujar Nishani, nese dikush eshte i pakenaqur nga vendimi i marre nga AKKP-ja mund ta dergoje ceshtjen ne gjykate.

Krahas pronareve, te cilet mund te jene cenuar nga vendimet e meparshme te ish-KKKP-ve, ankese ndaj Agjencise se Kthimit dhe Kompensimit te Pronave mund te beje edhe Avokatura e Shtetit. Brenda 30 diteve nga dorezimi i kerkeses, AKKP analizon te gjithe dokumentacionin e derguar dhe i kthen pergjigje kerkuesit nese ajo merret apo jo per shqyrtim.