SHKODER/ Nje 34-vjecar, i cili ka pritur per disa kohe qe se emes ti jepej ndihma mjekesore, grindet me mjeket

SHKODER - Largimi nga puna i drejtuesve te autoambulancave ne Shkoder ka sjelle mangesi ne sherbimin shendetesor ndaj qytetareve dhe per pasoje dhe incidente.

Mesditen e se martes, nje 34-vjecar nga Shkodra, pasi ka kerkuar sherbim mjekesor me autoambulance, pasi kishte nje pjesetar te familjes te semure, ka reaguar, duke thyer xhamin e deres se poliklinikes se qytetit te Shkodres.

Sic pohojne dhe personeli mjekesor, 34-vjecari E. Shurbani eshte paraqitur ne poliklinike tek urgjenca dhe ka kerkuar ndihme mjekesore per nenen e semure.

Sipas infermieres Paulina Kira, mjet nuk kishte, pasi ai qe eshte ne sherbim, ka qene ne dy raste te tjera vizitash mjekesore urgjente. Pasi ka pritur minuta te tera, 34-vjecari ka shkuar ne spitalin e Shkodres, pasi, sic pohon infermierja Kira, i eshte thene se atje mund te gjente mjet.

Pasi ka shkuar ne spital dhe ka kerkuar nje autoambulance se bashku me personelin e ndihmes mjekesore, edhe atje eshte perballur me mungesen e mjetit, pasi nga reforma e fundit e Ministrise se Shendetesise jane larguar 11 drejtues autoambulancash dhe per pasoje ka dhe mungese mjetesh.

Ne keto kushte, 34-vjecari eshte rikthyer ne poliklinike dhe pasi perseri nuk e ka gjetur mjet per ti ardhur ne ndihme nenes se tij, ka reaguar, duke share dhe rene me grusht xhamit te deres kryesore te institucionit, i cili eshte thyer.

Personeli i sherbimit ka lajmeruar policine, e cila ka bere shoqerimin e 34-vjecarit E.Shurbani. Sipas mjekut te urgjences, Gazmir Kraja, ndonese 34-vjecari kerkonte ndihme, mundesite nuk kane qene, pasi mjeti i vetem ishte ne te tjera raste ndihme, ndersa reagimi i tij i dhunshem tregon per pasigurine ne te cilen punon personeli mjekesor.

Nje vendim i Ministrise se Shendetesise i dates 31 dhjetor 2009, largoi nga puna 11 shofere te autoambulancave te spitalit rajonal te Shkodres.

Por, sipas drejtuesve te institucioneve shendetesore ne Shkoder, reduktimi ne kete mase i numrit te ambulancave po sjell edhe boshlleqe ne sherbimin ndaj qytetareve shkodrane.

Edhe vete drejtori i spitalit, Namik Kamberi, pati deklaruar se ky vendim cenon sherbimin e ofruar per qytetaret, duke pasur parasysh se Shkodra eshte nje nga qytetet me siperfaqen me te madhe te shtrirjes se sherbimit dhe se reduktimi eshte ne masen 60perqind, dhe jo 45perqind sic eshte kerkuar me vendimin perkates.