Drejtori i Inspektimit te Pagesave ne SHSSH, Strazmiri, pohon se do te rritet NE-ja me 10 %. Numri i perfituesve do te ulet

Mijera familje do te perjashtohen nga skema e ndihmes ekonomike. Por, nga ana tjeter, ndihma ekonomike (NE-ja), do te perfitoje rritje. Madje, qe ne fillim te vitit 2009, rritja do te filloje me 10 % me shume nga sa eshte momentalisht. Kete deklaroi per gazeten, drejtori i Inspektimit te Pagesave prane Sherbimit Social Shteteror, Leonard Strazimiri, i cili theksoi se ne vitin 2009, fondi per NE-ne do te shkoje 4.2 miliarde leke.

Spastrimi

Aktualisht, ne skemen e ndihmes ekonomike, trajtohen rreth 93662 familje, ku me ndihme te plote trajtohen rreth 33714 familje dhe me ndihme te pjesshme 59948 familje. Por, nga kjo skeme, pritet te kete spastrime me mijera familje. *Ecuria e skemes se ndihmes ekonomike, parashikohet te vije ne ulje, pra, numri i familjeve perfituese, do te pesoje ulje. Kjo eshte e parashikuar dhe ne strategjine sektoriale te mberritjes sociale, te miratuar me vendim qeverie ne muajin janar te ketij viti*,- thekson Strazimiri, duke shpjeguar se ne kete vendim parashikohen dhe hapat qe do te ndiqen per reduktimin e kesaj skeme, deri ne vitin 2013. Sipas drejtorit, mendohet qe numri i familjeve perfituese ne skemen e ndihmes ekonomike, te shkoje ne 70000 familje dhe masa e ndihmes ekonomike per familje, te tentoje arritjen e treguesit te nivelit te varferise (2$ ne dite per person). Nderkohe, ai shpjegon se ndihma ekonomike eshte e plote, kur familjet perfituese nuk kane te ardhura, dhe e pjesshme, kur familjet pretenduese kane te ardhura te pamjaftueshme.

Perfitimi

Familjet qe trajtohen me ndihme ekonomike, do te perfitojne rritje me 10 %, por vetem ato qe e perfitojne brenda kritereve, pasi familjet abuzuese do te perjashtohen. Sipas Strazimirit, Ministria e Punes ka propozuar qe familjet e varfra te ndihmohen me nje shtese financiare prej150 milione lekesh, ne fondin e ndihmes ekonomike. Programi i ndihmes ekonomike, sipas tij, mbeshtet me pagese mujore familjet pa te ardhura, ose me te ardhura te pamjaftueshme. Keshtu, perfitues do te jene jetimet e papune, mbi 25 vjec, jetimet e moshes 18-25 vjec, te cilet nuk jane te vendosur ne institucionet e sherbimeve shoqerore, ose nen kujdestari,prinderit e femijeve te lindur trinjak e me shume. *Ndihma ekonomike jepet 40% ne zonat urbane dhe rreth 60% ne zonat rurale. Alokimi i fondeve te ndihmes ekonomike, behet mbi bazen e treguesve statistikore, qe dergohen nga njesite e qeverisjes vendore. Keto te fundit paraqesin nevojat e tyre per fonde, duke u mbeshtetur ne strukturen e familjeve perfituese, si dhe ne te ardhurat qe siguron familja nga toka dhe veprimtarite e tjera prodhuese*,- shpjegon Strazimiri.

93662 familje trajtohen, aktualisht, me ndihme ekonomike ne vendin tone

70000 familje do te jene ne skeme, deri ne vitin 2013, ne vendin tone