Ndihmessekretari amerikan i Shtetit, Daniel Fried, tha se vendimi i Keshillit te Sigurimit te OKB-se per shtrirjen e EULEX-it ne gjithe Kosoven eshte nje goditje per ata qe duan ndarjen e saj dhe eshte nje hap per te konsoliduar nje Kosove te bashkuar.

Ai tha se EULEX-i do te veproje sipas Rezolutes 1244, qe eshte e paanshme ndaj statusit, por efekti i vendosjes se misionit, sipas tij, do te jete konsolidimi i institucioneve te Kosoves.

Misioni i EULEX-it, tha ai, do te veproje ne nje Kosove te pavarur, te pandare dhe sovrane.

Zoti Fried tha se Kosoves i eshte njohur e drejta sovrane qe ta kundershtoje gjashtepikeshin e OKB-se dhe shtoi se cdo marreveshje ne te ardhmen duhet te negociohet, te diskutohet dhe te konsultohet me qeverine e Kosoves.

Ndihmessekretari amerikan i Shtetit e vleresoi si shume te suksesshme dhe te rendesishme mbledhjen e Keshillit te Sigurimit te OKB-se, ku u miratua nje Deklarate Presidenciale, me te cilen mundesohet vendosja e misionit evropian per drejtesi dhe polici.

Ne fillim te bisedes, te cilen e zhvilloi korrespondenti i BBC-se, Arber Vllahiu, Ndihmessekretari i Shtetit, Daniel Fried, flet fillimisht per rendesine e deklarates se Keshillit te Sigurimit te OKB-se.

Daniel Fried: Vendimi i sotem i KS-se eshte nje dite e mire per Kosoven. Eshte nje dite qe i hap rrugen vendosjes se EULEX-it, te misionit evropian per rendin dhe ligjin ne gjithe Kosoven, ne nje Kosove te pandare, te pavarur dhe sovrane.

Kjo do te hape rrugen per zvogelimin e rendesishem te UNMIK-ut dhe kjo eshte, natyrisht, pjese e procesit qe ne e kishim parapare, kur Kosova u be e pavarur.

Misioni i EULEX-it do te ndihmoje autoritetet kosovare per te krijuar nje sistem unitar dhe te vetem te rendit dhe te ligjit ne gjithe vendin dhe ne fakt eshte qe te perforcoje sovranitetin ne Kosove dhe kjo do te ndihmoje zhvillimin e te ardhmes evropiane te Kosoves.

EULEX-i do te perfshije edhe SHBA-ne. Ne asnjehere nuk kemi marre pjese ne nje mision te BE-se si ky. Ne po marrim pjese ne EULEX per shkak te rendesise se misionit dhe per shkak te perkushtimit tone ndaj Kosoves.

Kjo ka kerkuar shume pune, ka shume ceshtje te veshtira te diskutuara dhe te negociuara.

Por raporti i Sekretarit te Pergjithshem, megjithate, e beri te qarte se plani per bartjen nga UNMIK-u tek EULEX-i dhe te gjitha marreveshjet e tjera do te kryhen ne konsultime te vazhdueshme dhe ne koordinim me Kosoven.

Asgje nuk do te behet, ne aspekte praktike, pa nje pajtim te qeverise se Kosoves.

Une e pershendes ate qe ka bere qeveria e Kosoves, me deklaraten e saj katerpikeshe, me te cilen e beri te qarte se e mirepret vendosjen e EULEX-it qe na hapi rrugen te ecim perpara.

Dhe SHBA-ja, se bashku me miqte e saj, do te vazhdoje te punoje ne Kosove, per te pare se ky shtet shumekombesh ka nje te ardhme te sigurt ne Evrope dhe se te gjitha grupet etnike kane nje te ardhme te sigurt ne Kosove. Kjo eshte nje dite e mire.

Ishte nje proces i veshtire dhe do te kete edhe gjera te tjera te veshtira perpara, por eshte nje dite per te pergezuar qeverine e Kosoves qe ka punuar me sukses per te pare se vendosja e EULEX-it mund te dakordohet per te nisur punen nen kushte te mira.

Ishte nje jave e veshtire, pas disa javesh diplomacie, por nje jave e mire.