Baleti Borebardha i Angjelin Preljocajt, filmi Hi dhe gjak i Fanny Ardant, trajnim aktrimi nga Louis-De Lencquesaing ne diten e gjashte te Festivalit te Durresit

Festivali Nderkombetar i Filmit ne Durres prezanton sot nje program te pasur filmash.
Ne oren 10.00, ne Teatrin Aleksander Moisiu shfaqet Babai i femijeve te mi (Le père de mes enfants, 2009) me regji te Mia Hansen-Løve. Prezantohet ne seksionin Takimet e ngushta.

Eshte jeta e Grégoire Canvelit, nje producent i suksesshem, qe ia kushton gjithe kohen dhe energjine punes. Vetem fundjavat i kalon ne fshat me familjen.
Jeta i merr tjeter rrjedhe kur kompania e tij prestigjioze dobesohet dhe kridhet ne borxhe. Ne rolin e Canvelit eshte aktori Louis-De Lencquesaing.

Ai eshte i pranishem ne shfaqjen e filmit dhe mban nje trajnim per aktrimin ne Pallatin e Rinise, ora 12.00.
Po ne seksionin Takimet e ngushta, ora 20.30, shfaqet baleti Borebardha (Blanche Neige, 2008) me regji te Angjelin Preljocajt. Prodhimet e Preljocajt, koreografit te njohur me origjine shqiptare, prezantohen ne teatro te rendesishem te botes.

Ne seksion Bote ballkanike, ora 12.00, shfaqet Kosmos (2009), me regji te Reha Erdem. Filmi eshte shfaqur ne seksionin Panorame te Festivalit te Filmit ne Berlin dhe ka marre kater cmime ne Festivalin e Filmit ne Antalia. Kozmosi nuk eshte nje njeri i zakonshem. Nuk ha dhe nuk fle ndonjehere.

Ne jeten e tij vjen Neptuni, qe e ndjek pas ne aventurat e tij.

Konkurrimi i Vizione Bashkekohore hapet me filmin Sinestesia (2010), me regji dhe skenar te Erik Bernasconi-t. Ai shfaqet ne oren 18.00, ne teatrin Aleksander Moisiu dhe flet per jeten e veshtire te kater te rinjve. Dy filmat e tjere te konkurrimit kane lidhje me Shqiperine.

Behet fjale per Hi dhe Gjak (Cendres et sang 2009), regjine e pare te aktores se njohur franceze Fanny Ardant dhe per bashkeprodhimin shqiptaro-belg Dosja K (Dossier K 2009) me regji te Jan Verheyeni-t. Filmi shfaqet ne oren 20.00 ne Teatrin Aleksander Moisiu. Ne filmin aksion te Verheyeni-t motivi i gjakmarrjes jeton bashke me tradhtine, hakmarrjen, ambicien.

Kurse, Fanny Ardant i eshte drejtuar nje motivi jo vetem shqiptar, por me rrenje ne tragjedine e lashte greke. Hi dhe gjak shfaqet ne oren 22.00, ne Teatrin Aleksander Moisiu. Sic shihet nga programi, spektatoret sot nuk e kane te lehte te zgjedhin.