TIRANE-Treguesit e perkeqesuar te te ardhurave detyron Operatorin e Sistemit te Shperndarjes qe te ndermarre nje aksion ne te gjithe vendin per mbledhjen e miliarda lekeve qe abonentet i kane borxh prej vitesh.

Mosshlyerja e energjise se konsumuar pergjate dy viteve 2007-2009 i ka rritur edhe me 27 miliarde leke humbjet e OSSH-se, duke e bere qe si zgjidhje te vetme per mbledhjen e borxhit te shohe ndermarrjen e aksioneve te tilla.

Perballe humbjeve te medha ne perfundim te kesaj faze OSSH synon te mbledhe te pakten 10 per qind te shumes totale duke ia lene nje periudhe te mepasshme arketimin e pjeses tjeter. "Ky projekt do te vazhdoje te operoje ne tere vendin deri sa niveli i borxheve te kompanise te arrije tek kufijte e percaktuara, qe jane mbledhja e deri ne 10 perqind te borxhit te tanishem", - thekson OSSH.

Krahas abonenteve familjare, deri disa muaj me pare drejtuesit e OSSH-se kane shprehur shqetesimin per mosshlyerje te faturave te energjise edhe nga nje sere institucionesh shteterore.

Por duket se pas apeleve te shumta situata ne kete pike ka filluar te permiresohet. Sipas kompanise, ka nje urdher te posacem te ekzkekutivit i cili u kerkon te gjitha enteve shteterore qe te shlyejne borxhet ndaj Operatorit te Shperndarjes. "Kemi qene ne kontakt te vazhdueshem me qeverine dhe mund te themi eshte filluar me shlyerjen e borxheve" -shpjegojne nga kompania.

Pas nxjerrjes se listave te debitoreve punonjesit e OSSH-se fillimisht do ti kerkojne shlyerjen e detyrimeve duke i paralajmeruar per nderprerje te energjise elektrike.

Nese nuk shlyhen detyrimet do te kalohet ne ate qe eshte faza e dyte duke nderprere energjine. Pjese e aksionit te OSSH-se do te jene edhe lidhjet e jashteligjshme te cilat bashke me mosshlyerjen e tarifave cilesohen si shkaktaret me te medhenj te humbjeve."Ne rastet e lidhjeve te paligjshme, shkelesit do te denoncohen ne prokurori", - vijon OSSH.

Sipas te dhenave qe OSSH ofron, humbjet me te medha nga mosshlyerja e faturave te energjise shenohen ne Tirane per vete numrin e madh te abonenteve qe ka ky qark. Gjate dy viteve shifra e humbjeve ne Kryeqytet i kalon 10 miliarde leket.

Me pas vijne Durresi dhe Fieri me nga 4 miliarde. Duke marre parasysh numrin e konsiderueshem te abonenteve, Elbasani paraqitet si nje nga qarqet me te rregullta ne shlyerjen e energjise se konsumuar. Pergjate dy viteve, ne kete qark OSSH ka humbur nje miliarde leke.

Nderkohe si qarku me numrin me te vogel te banoreve, Kukesi vazhdon te jete me problematiku ne mosshlyerjen e energjise. Pergjate dy viteve borxhi qe abonentet i kane OSSH-se ne kete qark arrin ne 1.7 miliarde leke.

Disiplinimi i konsumatoreve dhe minimizimi i humbjeve per shkak te mospageses se faturave te energjise elektrike vazhdoin te jete nje sfide per OSSH-ne edhe pas privatizimit. Shkaku kryesor qe kompania ka kerkuar rritjen e cmimit te energjise kane qene humbjet. Per shkak te kesaj situate ku nje pjese e konsiderueshme e energjise se konsumuar nuk shlyhet penalizohen abonentet e rregullt te cilet duhet te paguajne edhe pjesen e debitoreve.

******************

Nis aksioni per nderprerjen e energjise te gjithe atyre abonenteve qe prej vitesh nuk kane paguar faturat
Fier 2000 abonente, borxh OSSH-se 400 milione leke

FIER - OSSH-ja ne bashkepunim me degen e saj ne Qarkun e Fierit ka ndermarre dje paradite prerjen e energjise elektrike tek abonentet me problematike, te cilet kane me shume se 2-3 vjet qe nuk kane paguar sasine e energjise elektrike te harxhuar.

Puna fillimisht ka nisur ne rrethin e Fierit ku gjenden aktualisht rreth 2000 abonente, nderkohe qe grupi i punes e ka nisur punen ne Ndermenas dhe Hamile, qe sipas menaxherit rajonal per trajtimit te debise, Alfred Ngjela, kane qene nje zone problematike per arketimin. Ne kete zone jane rreth 1200 debitore, te cilet kapin nje shifer rreth 40 milione leke te reja. Mesohet se jane shtate rrethe, perfshi ketu edhe Tiranen, qe i kane kompanise nje borxh prej miliarda lekesh.

Duke pare gjendjen e rende financiare ne te cilen gjendet, si dhe nivelin e larte dhe ne rritje te borxheve qe kliente te ndryshem i kane OSSH-se, kompania ka ndermarre ne Fier nje projekt te ri, per te rritur nivelin e arketimeve, i cili me pas pritet te shtrihet ne te gjithe territorin e Shqiperise.

Sipas menaxherit Ngjela, debitoret jane njoftuar per sasine e borxhit qe i kane OSSH-se. "Sic e shikoni, nje grup specialistesh, pasi nuk kane marre pergjigje pozitive per shlyerjen e borxhit, kane nisur prerjet e energjise abonenteve me borxhe, - u shpreh Ngjela.

- Ka familje qe kane borxhe ne rreth 1-2 milione leke. Ketu prerjet po behen individuale ne shtylle me qellim qe abonenti te mos nderhyje. Ne te kunderten, - shprehet menaxheri, - do te behet denoncim". Gjate ketyre diteve dhe ne vijim, ne disa rrethe nje grup pune po merret kryesisht me ata kliente qe kane rilidhur energjine ilegalisht pas nderprerjes.

*******************

Huaja tregtare e marre ne Maj te vitit te shkuar si dhe luhatjet e kursit te kembimit ndikuan ne rritjen e borxhit
Financat: Borxhi Publik sa 59.5 perqind e GDP-se

TIRANE- Shpenzimet e medha ne investimet publike gjate vitit te shkuar, kane rritur ne menyre ndjeshme borxhin publik te Shqiperise. Te dhenat zyrtare te Ministrise se Financave per vitin 2009 flasin per nje nivel borxhi sa 59.5 per qind e Prodhimit te Brendshem Bruto.

Krahasuar me 2008-n borxhi publik vetem gjate nje viti eshte rritur me rreth 5 per qind. "Raporti i stokut te borxhit me PBB ka pesuar rritje si rezultat i rritjes se huamarrjes per plotesimin e nevojave te buxhetit, per shpenzime kapitale.

Vecanerisht rritje ka pesuar stoku i borxhit te jashtem, si rezultat i kredise tregtare te marre gjate vitit 2009", - theksohet nga Financat.

Krahas normave te larta te interesit kundrejt te cilave u mor kredia tregtare gjate vitit te shkuar, nje goditje tjeter treguesit e borxhit publik te Shqiperise e moren nga luhatjet e kursit te kembimit. Sipas Financave, gjate vitit te shkuar leku u zhvleresua ndaj euros me rreth 11.5 per qind duke ndikuar ne nje rritje artificiale te borxhit.

Treguesit ne rritje te borxhit publik te vendit krahasuar me PBB-ne dhe ulja e nivelit te te ardhurave ne arken e shtetit kane detyruar qeverine qe nga fondi i shpenzimeve per vitin 2010 te zbrese 25 miliarde leke. Ne kete menyre deri ne vitin 2013, qeveria synon te ule deri ne 50 per qind te PBB-se treguesit e Borxhit Publik.

"Qeveria ka avancuar ne objektivat e saj per tu kthyer ne parametrat me te uleta te borxhit publik te vendit duke synuar per vitin 2013 nje borxh rreth 50 per qind e PBB-se. Keto kane bere te nevojshem te kemi nje rishikim te treguesve te vitit 2010 dhe nje korigjim te perspektives se zhvillimeve te viteve ne vijim", - tha Bode.