Ligji per Prokurorine eshte "shashka" e pare qe do te hidhet ne loje me fillimin e sesionit te ri parlamentar. Mazhoranca ka pergatitur ligjin e ri per Ina Ramen dhe miratimi i tij kerkon 84 vota. Lajmi eshte konfirmuar nga numri dy i PD-se, Astrit Patozi.

Ndryshimet ne projektligjin per prokurorine jane hartuar nga eksperte te disa fushave, mes tyre edhe perfaqesues te zyres se Prokurorise se Pergjithshme dhe misioneve nderkombetare qe asistojne sistemin e drejtesise ne vend. Drafti i hartuar nga Ministria e Drejtesise, drejtperdrejte nga zevendesministri Viktor Gumi, dhe perfaqesuesi i zyres se Prokurorise se Pergjithshme, Kujtim Lulaj, parashikon ndryshimin e 30 neneve te Ligjit per Prokurorine, kryesisht per rregullimin e karrieres se prokuroreve, ndryshimin e masave dispiplinore, promovimin e prokuroreve dhe neni per kompetencat e Prokurorise se Pergjithshme. Burime nga Partia Demokratike bejne te ditur se Prokuroria e Pergjithshme parashikon jo ngushtim te kompetencave te tij. "Nuk ka asnje ligj qe ve nen kontroll punen e organit qendror te akuzes, madje Prokuroria e Pergjithshme ka pasur dy perfaqesues te saj ne komisionin qe u mor me ndryshimet perkatese, qe prej janarit 2008, ne kohen kur nisi edhe diskutimi", tha ish-ministri i Drejtesise, Aldo Bumçi. Ministri i Drejtesise, Enkelejd Alibeaj, do te beje te ditur sot ne nje konference per shtyp qendrimin e tij mbi kompetencat e Prokurorise se Pergjithshme. Ministri Alibeaj i cileson ndryshimet si domosdoshmeri ne kuader te reformimit te Prokurorise dhe harmonizimit te praktikave me te mira te legjislacioneve te vendeve te BE-se. Ndryshimet ne Ligjin per funksionimin e Prokurorise pritet te diskutohen ne kete sesion parlamentar.

Ligji per Prokurorine

Miratimi i ligjit per Prokurorine kerkon 84 vota ne Kuvend, nderkohe qe kreu i grupit parlamentar te PD-se, Astrit Patozi, kerkon konsensusin e opozites per kalimin e ketij ligji.

"Ky eshte nje nga ligjet e rendesishme te reformes ne drejtesi dhe ne kemi gjithe angazhimin dhe prirjen per ta çuar kete reforme deri ne fund. Pra jo vetem per ligjin e Prokurorise por dhe ligje te tjera qe vijne me pas", u shpreh Patozi. Duke i lene rruge te hapur bashkepunimit me opoziten, Patozi u shpreh se

"kjo ka nevoje dhe per angazhimin e opozites dhe kontributin e saj. Ka ndryshim te madh mes dy çeshtjeve, ne kemi pasur mundesine qe disa prej reformave te medha, ate zgjedhore dhe ne drejtesi, te gjenim numrin magjik 84 vota, por nuk e kemi kerkuar asnjehere ate, pra ne keto reforma ku kemi rene dakord bashkerisht qe t‘i miratojme me konsensus, ne do vijojme te kerkojme konsensusin e opozites".

Sesioni i ri

Kryetari i grupit parlamentar te PD-se, Astrit Patozi, theksoi se "miratimi i ligjit ‘Per hapjen e dosjeve per ish-bashkepunetoret e Sigurimit te Shtetit‘ dhe Kodi i ri Zgjedhor jane dy prioritetet e punes se Kuvendit me fillimin e sesionit kuvendor me 1 shtator". Sipas Patozit, dje u mblodh Konferenca e Kryetareve te grupeve parlamentare, e cila miratoi kalendarin trijavor te punimeve te Kuvendit. "Shpresojme qe te pakten ne dy javet e para te muajit shtator te kalojme bashkerisht me opoziten ligjin e ashtuquajtur te ‘dosjeve‘", u shpreh Patozi. Ndersa per sa i takon prioritetit tjeter, Kodit Zgjedhor, ai tha se "kjo eshte nje pune ne proces, e cila nuk ka ndalur edhe gjate muajit gusht, por ai qe do ta thote fjalen e tij do te jete Komisioni i Posaçem, i cili do te nise menjehere axhenden e tij me miratimin e ligjit te ri zgjedhor". Pas nje nderprerjeje njemujore te aktivitetit parlamentar, te henen nis nga puna sesioni i ri i Kuvendit. Jane komisionet e perhershme parlamentare ato qe do te rifillojne veprimtarine e tyre te parat, ndersa seanca e pare plenare e Kuvendit pritet te mbahet me 8 shtator. Te henen, me 1 shtator, nis punimet sesioni i ri parlamentar i Kuvendit te Shqiperise. Konferenca e Kryetareve te Grupeve Parlamentare, vendosi qe data 1 shtator te shenoje edhe fillimin e punes se institucionit me te rendesishem legjislativ ne vend. Aktiviteti parlamentar pritet te nise fillimisht me punen e komisioneve te perhershme te Kuvendit, ndersa seanca e pare plenare per kete sesion do te mbahet me 8 shtator.

PS: "Jo" konsensus per ligjin mbi organin e akuzws


Braçe: Nuk u njoftuam se kishte konference kryetaresh


Opozita nuk tregohet e gatshme te jape konsensus per projektligjin mbi prokurorine. Nenkryetari i grupit parlamentar socialist, Erion Braçe, deklaroi ne nje prononcim per gazeten se kjo nisme eshte ndermarre ne mungese transparence. Sipas tij, opozita nuk ka qene prezente ne asnje nga etapat e hartimit te draftit per ligjin ne fjale. "Ne e kemi marre vesh nga nderkombetaret kur paralajmeruan se mazhoranca po ndermerr nje hap te tille", theksoi Braçe. Ai vleresoi se e djathta, gjithsesi, eshte e lire te kerkoje bashkepunimin e opozites per kete ligj, por kjo nuk eshte detyruese. Duke u ndalur ne aq sa behet publike per draftin, Braçe argumenton se ky eshte nje sulm mbi prokurorine, kur ajo po heton korrupsionin e qeverise. Per sa i takon ligjit te "spiuneve", drejtuesi socialist mendon se qendrimi i socialisteve eshte bere me se i qarte. "Per sa kohe Partise Demokratike i kujtohet kjo nisme ne vitin e fundit te qeverisjes, duket se nuk perben me prioritet per te", nenvizoi Braçe. Qendrimi i selise roze, tha ai, eshte ne perputhje te plote me rezoluten e miratuar ne Keshillin e Evropes per kete çeshtje. Shumica, insiston Braçe, eshte e lire ta miratoje nismen me votat e saj, por te pakten nuk do te kete me vete si bashkefajtore opoziten. Numri dy i socialisteve denoncon se edhe sesioni i ri kuvendar po fillon me shkelje kushtetuese dhe te rregullores se ketij institucioni. Partia Socialiste thote se nuk eshte njoftuar se kishte mbledhje te konferences se kryetareve ne diten e djeshme. "Asnje prej nesh nuk u njoftua per mbledhje kur duhet te ishim pjesemarres", u shpreh Braçe. Teksa shtoi se kjo ka ndodhur me porosi te Kryetares se Kuvendit, Jozefina Topalli. Kjo e fundit, ne vleresimin e Braçes, po e nis punen ne sesionin e ri me çizmen e djathte, me te cilen e mbylli ate te fundit. Partia me e madhe e opozites thote se kalendari i punes nuk mund te quhet i miratuar nese nuk kalon per miratim ne seance. Vetem pas ketij momenti, sqaron Braçe, mund te zbatohet dhe te procedohet me kalendarin. Nje tjeter shkelje e vene re prej tij ka te beje me faktin se sesioni nuk fillon me mbledhje komisionesh, por me mbledhje seance. "Duhet te ishin ofruar tre seanca ne javen e ardhshme dhe ne fakt s‘ka asnje", ngulmon Braçe. Keto veprime, ne konstatimin e tij, kryhen nga Topalli per t‘i ardhur ne ndihme Kryeministrit Berisha te kaloje kete moment te veshtire, "kur ai eshte i sulmuar nga raporte nderkombetare, arrestime te shumta dhe kur dyshohet per lidhje me trafiqe", u shpreh Braçe. Zoti Patozi, shtoi ai, ka te drejten te merret me axhenden e punes se grupit te tij parlamentar, por nuk mund te shkruaje ate te Partise Socialiste. PS nenvizon se keto dy axhenda jane krejt te ndryshme nga njera-tjetra per shkak se opozita nuk mund te merret me çeshtje qesharake. Prioriteti i pare i opozites shfaqet nderhyrja ne Kodin Zgjedhor, diçka per te cilen eshte ndermarre angazhim te mbyllet brenda muajit shtator. Edhe kete, Braçe e shikon me dyshim teksa thote se "ne deklaratat e zotit Patozi vihet re mungese angazhimi".