TIRANE- Partia Socialiste denoncoi indiferencen e qeverise ndaj efekteve te krizes ekonomike qe sipas saj prej kohesh ka perfshire vendin. Deputeti i Shkodres, Ilir Beqja, publikoi dje gjate nje konference per shtyp te dhena qe kane te bejne me nivelin e realizimit te te ardhurave ne buxhet gjate vitit 2009.

Sipas deputetit te majte, te ardhurat ne buxhetin e vitit 2009 jane rritur vetem 2.7 per qind krahasuar me ate te nje viti me pare duke shenuar rekordin historik me te keq ne 10 vitet e fundit. nderkaq Beqja shtoi se te hyrat jane realizuar rreth 11 per qind me pak se plani fillestar duke krijuar nje deficit 357 milione dollare.

"Kjo eshte deshmia me e qarte se buxheti fillestar ishte nje mashtrim i madh qe do ti paraprinte krimit elektoral te 28 qershorit. Tabela e meposhtme tregon qarte se si eshte bjerrur administrimi fiskal i qeverise se Sali Berishes.

Te dhenat e te hyrave fiskale provojne se ekonomia shqiptare eshte ne krize, ashtu sic e ka paralajmeruar prej nje viti PS. Fitimet e kompanive shqiptare ne vitin 2009 jane 5.3 per qind me te uleta se ne vitin 2008. Te ardhurat e biznesit te vogel ne vitin 2009 jane 3.8 per qind me te uleta se ne vitin 2008.

Te ardhurat e tatimit mbi vleren e shtuar me vitin 2009 jane vetem 2.7 per qind me larta se ne vitin 2008. Kjo rritje zerohet vetem nga rritja e inflacionit duke deshmuar se ne Shqiperi nuk ka rritje reale te ekonomise", - tha Beqja.

Nderkaq PS kembengul se kriza qe ka prekur vendin sipas saj me shume se me zhvillimet ekonomike nderkombetare ka te beje me keqadministrimin qe ben qeveria Berisha.