Kryeministri Sali Berisha zbret ne baze per te folur per reformat e qeverisjes

TIRANE - Kryeministri Sali Berisha deklaroi dje se duke filluar nga kjo jave, ai do te ndermarre nje seri takimesh ne gjithe vendin per te paraqitur dhe njohur qytetaret shqiptare me reformat, sipas tij, te realizuara nga mazhoranca qeverisese gjate ketij mandati te dyte qeverises.

Kreu i ekzekutivit tha se do te zbrese ne baze, per te marre gjithashtu edhe vete sugjerimet e qytetareve shqiptare mbi reformat e kryera ne vend, pasi, sipas Berishes, mazhoranca nuk qendron e mbyllur ne kutite e votimit, duke nenkuptuar me kete, bojkotin gjashte mujor te opozites.

Duke folur ne mbledhjen e grupit parlamentar te Partise Demokratike, numri nje i qeverise, vuri ne dukje se seria e takimeve ne baze do te permbaje edhe paraqitjen e rezultateve konkrete te procesit te liberalizmit te vizave me vendet e Bashkimit Europian.

"Keto takime dhe ky dialog me qytetaret shqiptare kane per qellim kryesor: paraqitjen e reformave te qeverise para tyre, terheqjen e mendimit dhe sugjerimeve te tyre, njohjen e qytetareve shqiptare me veprimtarine intensive te mazhorances, e cila kurre, ne asnje rast dhe ne asnje rrethane, nuk ka qendruar e ngujuar ne kuti. Tjeter eshte kutia, tjeter jane reformat, te cilat keto muaj kane ecur me shpejte se kurre, ne cdo fushe.

Eshte e domosdoshme te zhvillojme dialog dhe debat me qytetaret shqiptare te te gjithe spektrit politik. Eshte e domosdoshme ti njohim ata nje per nje me rezultatet konkrete, me perpjekjet per liberalizimin e vizave dhe suksesin e ketyre rezultateve",- tha dje Berisha.

Takimet qe do te kryhen ne baze, sipas kreut te qeverise, do perfshijne kategori te ndryshme te shoqerise duke nisur qe nga rinjte e deri tek te moshuarit, e vecanerisht pensionistet.

Sipas Berishes, qeveria qe ai drejton i ka rritur pensionet me shume se cdo qeveri qe ka drejtuar vendin qe para vitit 2005, ndersa shtoi se as vendet e tjera nuk e kane kryer rritjen e pensioneve.

"Ne duhet te shkojme ne cdo skaj te ketij vendi dhe te njohim me reformat, me rezultatet, me arritjet, me mosarritjet. Ne teresi, ne duhet te bejme nje dialog te hapur me qytetaret shqiptare, me te rinjte, me te moshuarit, me pensionistet.

Eshte shume e rendesishme qe te takohemi me pensionistet, sepse askush nuk ka bere ate qe kemi bere ne per pensionistet",- u shpreh ai. Berisha tha gjithashtu se qytetaret duhet te njihen per kontrollin e integruar te kufijve si dhe reformat ne shendetesi qe, sipas tij, do te vendosen praktika te reja per te shmangur parapagimin dhe ryshfetin ne sistemin shendetesor.

Ai permendi se heqja e transportit per zyrtaret publik ka sjelle rezultate pozitive duke minimizuar shpenzimet, ndersa shtoi se do te kryhet dixhitalizimi i provimeve per patentat e automjeteve. Ky tur dialogu i iniciuar nga Kryeministri Berisha i ngjan atij te dy viteve me pare te realizuar nga kreu aktual i opozites, Edi Rama.