Ne perpjekje per te dhene sinjale refuzuese per bisedimet me opoziten, Sali Berisha ka nxjerre nga arkiva e kohes se tij te vjeter nje personazh qe e perdor zakonisht per te artikuluar refuzimin e tij per dialog dhe bashkepunim. Edi Paloka, ish-zedhenes i Partise Demokratike, ne kohen kur ajo aplikonte bojkotin ne opozite, ka qene viktima e pare e kursit te dialogut qe PD filloi te aplikoje pas vitit 2002. Ai eshte menjanuar nga jeta publike e kesaj partie qysh pas marreveshjes se pare Nano-Berisha ne pranvere te vitit 2002. Prej atehere ai u mbajt larg prej Berishes per shkak te ndryshimit te kursit te tij drejt dialogut me kundershtaret dhe hapjes se partise.
Paloka ishte nga te paktit qe guxoi ta kritikonte kete marreveshje brenda PD-se dhe strukturave drejtuese te saj dhe te shprehte pakenaqesine e hapur per menjanimin qe Berisha i beri atij nga marredheniet publike te PD-se. Duke e profilizuar si nje politikan te vijes se ashper dhe radikale, Berisha e perdori Paloken serish ne zgjedhjet e vitit 2005 si kandidat ne nje zone elektorale, ku shpresohej se do te perdorte forcen, per shkak te lidhjeve te tij me individe qe pretendonin kontrollin e zones. Humbja e tij perballe Shpetim Idrizit e la edhe me menjane prej Berishes. Rikthimi i tij ne politike, pas largimit te Bamir Topit per ne presidence, shenoi rikthimin e tij ne jeten parlamentare, por jo afer Berishes. Fakti qe Berisha eshte kujtuar te perdore serish ish-zedhenesin e tij per te artikuluar qendrimet e tij ndaj situates politike ne vend, eshte nje sinjal i qarte i refuzimit dhe pozicionimit te skajshem kunder cdo marreveshjeje. I dorezuar perkohesisht nga presioni nderkombetar, pranimi i kushtezuar qe Berisha i beri dialogut me opoziten, duket se u konvertua shume shpejt ne qendrime radikale kunder dialogut.
E. Paloka eshte figura me "e sinqerte" e Partise Demokratike, qe perfaqeson mospajtimin me opoziten dhe gjuhen e skajshme kunder saj. Si nje ish-gazetar themelues i RD-se, ai ka qene perdorur per nje kohe te gjate per sulmet te shfrenuara ndaj ish-liderit te opozites Fatos Nano ne kohen qe ai u burgos dhe u gjykua per korrupsion ne vitin 1993. Aq e forte ishte vetedija e perdorimit kunder tij, sa ne vitin 1997, Paloka u detyra te arratisej nga vendi per rreth dy muaj, pasi Fatos Nano doli nga burgu dhe u rikthye ne zyren e tij ne Tirane. Riperdorimi i Palokes si artikulues i qendrimeve te PD-se, ne nje kohe qe Berisha eshte vene me shpatulla per muri, per tu ulur ne tryezen e bisedimeve, eshte nje menyre tipike komunikimi e Berishes me faktorin nderkombetar dhe kundershtaret, kur ai refuzon ate cfare i imponojne ata.
Ne kete rast i vetmi lajm i mire, eshte rivleresimi qe Berisha po ben per zotin Paloka, te cilin thuajse e kishte harruar si nje militant te sinqerte te PD-se dhe natyrisht lajm i keq eshte qe Berisha ka mashtruar me qendrimet e veta ambasadoret e Perendimit dhe po deshmon qarte se eshte shume larg dialogut me opoziten. Kjo do te thote se ne ditet qe vijne, lajmi me interesant do te jete data e mitingut te opozites se sa dita e tryezes false me presidentin.