Per stolin e Mançester Junajted fliten edhe O‘Nill, Hjuxhs, Kueiroz, Kin e Murinjo

Ser Aleks Ferguson do te kete nje rol mjaft te rendesishem ne perzgjedhjen e pasardhesit te tij te Mançester Junajted. Mes emrave qe qarkullojne per te ardhmen e stolit te "Djajve te Kuq", ku nuk mungojne trajneret e mirenjohur ne arenen nderkombetare, nuk mungon as Marçelo Lipi. Trajneri i rikthyer ne krye te kombetares italiane eshte njohje e vjeter e skocezit, i cili ne te kaluaren e ka perkufizuar me shaka "bastard i mallkuar me pamje te bukur". Shefi ekzekutiv i Mançesterit, David Gill, ka filluar kerkimin per zevendesuesin e Ser Aleks dhe shpjegoi se trajneri aktual do te kete nje rol shume te rendesishem ne zgjedhjen e personit qe do te zere vendin e tij pas tre vjetesh. Gill shpjegoi se eshte e domosdoshme qe nje teknik, i cili ka qendruar kaq gjate ne krye te skuadres (sezoni i ri do te jete i 23-ti per te), te marre pjese ne kete vendim delikat, pavaresisht faktit se Ferguson preferon qe mos te perfshihet ne kete çeshtje. "Une dhe familja Glejzer jemi dakord ne kete pike dhe kushdo qe i njeh punet e brendshme te klubit e di mire se nje zgjidhje tjeter nuk mund te konceptohet", shpjegoi shefi ekzekutiv. "Normalisht, edhe pronaret do te jene pjese aktive e zgjedhjes se trajnerit te ri dhe do te thone fjalen e fundit, pasi figura e trajnerit eshte tejet e rendesishme per Junajted. Duhet te jeni te sigurt se do te jete nje ndryshim shume i madh, por rreth emrit te drejtuesit te ri te stolit nuk ekziston asgje e pamundur. Trajneri i ri do te gjendet ne nje klub solid, me nje skuader fantastike, nje stadium te jashtezakonshem dhe i rrethuar nga tifoze te shkelqyer". Duke u nisur nga keto fjale, gazetat britanike kane "shkrire" te gjithe fantazine, duke publikuar listen me kandidatet e mundshem per eren "post-Ferguson". Madje, nuk ka munguar as kuotimi nga "bookmaker"-sat. Favoriti kryesor per kete detyre jepet Martin O‘Nill (fitorja e te cilit kuotohet 4 me 1), pas tij vjen Mark Hjuxhs (7 me 1), Karlos Kueiroz, ish-krahu i djathte i Ferguson, qe tashme ka marre drejtimin e kombetares portugeze, Roi Kin, i cili aktualisht drejton Sanderlendin dhe Stiv Brus, ish-kapiten i Junajted. Por, gazetat "Daily Telegraph" e "Daily Star" kane "sponsorizuar" edhe Lipin, qe ne tre vitet e ardhshme mund te perfeksionoje gjuhen angleze. Tjeter kandidat potencial vleresohet Hoze Murinjo, qe pavaresisht rivalitetit, mes tij dhe Ferguson ekziston respekti dhe vleresimi reciprok.