TIRANE- Teksa kryeministri Berisha nuk le rast pa iu kujtuar shqiptareve se se shpejti mund te behen me nje central berthamor, ministri i Energjetikes thote te kunderten. Duke mbajtur nje qendrim me realist se kryeministri, Dritan Prifti ka pohuar dje se centrali berthamor ne Shqiperi eshte nje projekt i larget, qe mund edhe te mos realizohet.

Nuk mendoj se realiteti i nje centrali berthamor ne vendin tone eshte i afert pasi ne kemi nevoje per kohe qe te pergatitemi per legjislacionin e cdo hallke tjeter qe duhet ta monitoroje kete lloj industrie,- u shpreh ai gjate nje konference per mediat.

Me tej ai beri te ditur se eshte krijuar Agjencia Atomike, e cila do te merret me hartimin e kuadrit ligjor per energjine berthamore. Ministri deklaroi dje se METE po punon qe Shqiperia te jete e gatshme per zhvillimin e energjise berthamore.

Sipas tij, interesimi i biznesmeneve jashte vendit per nje central ka qene shume i madh. Ai tha se ky investim do te lejohet te kryhet vetem atehere kur vendi te jete i gatshem per tu garantuar shqiptareve sigurine e funksionimit te tij pa pasoja per ta. Kur te jemi gati per te garantuar shqiptaret per sigurine e investimeve, do te lejojme zhvillimin e tyre ne vendin tone, tha Prifti.