Kryetari i PS-se tha se Berisha eshte Kryeminister ne detyre, pasi populli nuk i dha verdiktin per nje mandat te dyte

TIRANĆ‹ - Pas reagimit te ashper dhe shperthyes te Kryeministrit Berisha, kryetari i Partise Socialiste, Edi Rama, ka deklaruar se populli nuk ia ka dhene ende besimin Berishes per nje mandat te dyte.

Sipas liderit te PS-se, Kryeministri po shfaq ndjenjen e frikes dhe po humb sensin e komunikimit, duke pergojuar qytetare te lire, deputete te nderuar, figura te njohura biznesi e mediatike, ndaj te cileve po hedh akuza dhe po shfryn mllefin e humbjes.

"Besoj qe edhe ju e vute re qe ishte nje lajthitje ne komunikimin e Kryeministrit ne detyre, i cili si ne nje jerm permendi emra qytetaresh te lire te ketij vendi, apo edhe emra deputetesh te nderuar te Partise Socialiste, duke vene edhe epitete, qe do t'i vinte turp kujtdo qe t'i perdorte, por ja qe, me sa duket, i gjendur pa mandatin e dyte ne dore dhe nen presionin qytetar te dites se merkure, ai nuk arrin dot te ruaje gjakftohtesine dhe kerkon ruajtje gjakftohtesie nga ana jone, qe kemi qene qysh ne krye te heres te vendosur te garantojme procesin zgjedhor, te ruajme standardet, te cilat tanime kane degjeneruar teresisht ne ato pjese ku ende nuk ka mbaruar numerimi.

Megjithate, ai eshte ende Kryeministri i vendit dhe nuk eshte nje karrocier qe i dehur flet perƧart",- tha Rama.

Ankthi i humbjes se zgjedhjeve po e shtyn Kryeministrin te kerkoje mundesi te reja koalicioni paszgjedhor, duke shfrytezuar te gjitha mundesite dhe menyrat.

"Ashtu sikunder konfirmoi dhe se ka filluar perpjekjen per te peshkuar ne anen tjeter individe, gje qe une besoj se do ta kete shume te veshtire ta arrije, por edhe nese e arrin, kjo nuk do ta shpetoje dot nga e verteta e pare qe kemi sot, qe Sali Berisha nuk ka nje mandat te dyte dhe nuk do te jete Kryeministri i shqiptareve, pasi te dale vendimi perfundimtar i popullit dhe ky vendim te filloje te jetesohet ne rrugen qe percakton Kushtetuta dhe ligji",- tha Rama para mediave dhe opinionit publik.

Lideri i opozites shtoi se humbja e standardeve te kerkuara nga BE-ja, ka ardhur si rezultat i ushtrimit te forces pushtetare dhe moslejimit te numerimit te votave brenda afateve ligjore, me qellim manipulimin e tyre.

"Ai na kerkon ne te ruajme gjakftohtesine, gje qe Kryeministri, jo vetem nuk e ka bere, por perkundrazi, ka bere te kunderten, duke provokuar me forcat policore dhe njekohesisht me agjente krimesh e funksionare te njohur te Ministrise se Brendshme, te gjithe kete proces qe nuk po arrin dot te mbyllet per Qarkun e Fierit, me gjithe vullnetin tone te plote.

Numerimi nuk ka mbaruar per mungese te plote te vullnetit te Sali Berishes, qe te pranoje verdiktin e popullit te Fierit, nje rezultat spektakolar me 9 mandate per Partine Socialiste, i vetmi dhe me i thelli ne keto 8 vite,"- tha Rama.

Ai shtoi se jane duke u bere te gjitha verifikimet dhe se po pergatitet nje pakete kontestimesh ne rruge ligjore, per te cilat PS-ja ka arsye te plota te besoje se ka pasur parregullsi te qellimshme, qe kane ndikuar ne rezultatin e zgjedhjeve.

"Ne e kontestojme rezultatin ne Shkoder dhe do ta ndjekim ne rruge ligjore. Ne e kontestojme rezultatin ne Berat dhe do ta ndjekim ne rruge ligjore.

Pa asnje medyshje do te pergatisim te gjithe paketen e kontestimeve dhe ne rruge ligjore do te kerkojme qe votimi i popullit per te gjitha ato zona dhe territore, ku ne kemi arsye te plota te besojme se ka pasur parregullsi te qellimshme, te dale ne driten e diellit.

Kjo nuk ka te beje aspak, qofte me ndonje objektiv per te mos njohur ne fund fare rezultatin e zgjedhjeve dhe aq me pak, ka te beje me ndonje objektiv per te nxitur, ashtu sikunder ne menyren me abuzive Kryeministri ne detyre e hodhi ne eter, ndonje revolte njerezish",- sqaroi Rama.