Kreu socialist ka deklaruar dje nga podiumi i protestes nderprerjen e greves dhe nisjen e dialogut me Berishen

TIRANE- Kreut socialist, Edi Rama i eshte dashur qe te degjoje edhe publikisht angazhimin e kryeministrit Sali Berisha per tu ulur ne bisedime, para se te deklaronte dje ne mbremje para qindra protestuesve ne bulevardin Deshmoret e Kombit mbylljen e greves se urise 19 ditore.

Zhvillimet e shpejta te ndodhura gjate dites se djeshme bene qe opozita te ndryshonte teresisht planin e saj te protestave, dhe kreu socialiste Edi Rama te bente te ditur mbylljen e kesaj greve.

Ai u ka bere thirrje deputeteve dhe mbeshtetesve te tyre qe gjendeshin ne cadra qe ti bashkoheshin perpjekjeve per te gjetur nje zgjidhje politike dhe te linin sakrificen e tyre per ti hapur keshtu rruge zgjidhjes permes dialogut politik

Une deshiroj te ndaj me ju bindjen se te gjithe sebashku duhet ti bejme nje ftese atyre qe jane ende ne sakrificen e greves se urise qe te bien ne nje mendje me ne per ta ndalur kete greve, - tha kreu socialiste, duke ftuar grevistet qe te lene cadrat.

Megjithate ai deklaroi se mbyllja e greves se urise nuk eshte domosdoshmerisht fundi i betejes se opozites, por eshte momenti per te shprehur vullnetin politik, ne menyre qe te arrihet zgjidhja e krizes politike permes transparences se plote te zgjedhjeve.

Le te urojme miq, te dashur motra dhe vellezer, qytetare e qytetare te ketij vendi, se neser eshte dita e mbare, por le ta pershendesim njeri tjetrin duke garantuar njekohesisht, se ne nuk ndalemi, ne nuk zmbrapsemi dhe se ne jemi te gatshem per perpjekje e sakrifica te reja ne rast se zgjidhja nuk do te vije dhe ne rast se arsyeja e forces do vazhdoje ti imponohet forces se arsyes,- tha Rama.

Ai gjithashtu ka informuar protestuesit dhe gjithe opinionin publik lidhur me takimin qe do te mbahet sot ne Strasburg me disa nga kreret me te larte te BE-se si dhe me kryeministrin Sali Berisha, ku sic beri te ditur Rama do te tentohet te gjendet nje zgjidhje qe do ti hapte rruge perfundimtare transparences se zgjedhjeve dhe proceseve te tjera, qe lidhen me zhvillimin e vendit, duke filluar nga heqja e vizave.

Tryeza politike me Kryeministrin Berisha ne Strasburg, sipas Rames do te jete nje mundesi per zgjidhjen e situates politike per ti hapur rruge transparences se zgjedhjeve.

Rama vuri ne dukje se opozita ka qene e hapur per dialog dhe kompromis politik, ne cdo moment te zhvillimeve politike. Arritja e nje kompromisi politik duke hapur kutite e votimit, sipas Rames, do te beje te mundur vendosjen e nje standardi te ri demokratik per zgjedhjet e ardhshme.

Ne cdo cast ne kemi qene te hapur dhe te gatshem per dialog dhe per cdo kompromis qe nuk komprometon transparencen ne funksion te garancive per zgjedhjet e ardhshme dhe te lirive dhe te drejtave qe nuk mund tu mohohen me qytetareve dhe qytetareve te ketij vendi, te cilet vetem permes ketyre garancive mund te fitojne ate stad qe cdo qytetar evropian ka, si nje gjykues ekskluziv i atyre qe qeverisin...,- u shpreh ai.

Kreu i se majtes theksoi se faktori nderkombetar pavaresisht perfaqesimit te tij politik ka vendosur se qe kjo gjendje politike nuk mund te vazhdoje dot me tej dhe per kete arsye, sipas Rames, ata kane vendosur qe te nderhyjne direkt ne menyre qe te dyja forcat politike te arrijne nje kompromis politik, qe ti hape rruge transparences se zgjedhjeve te kaluara.

Sot, pavaresisht kendveshtrimeve dhe qasjeve, natyrshem te ndryshme ndaj kesaj krize per nje periudhe relativisht te gjate kohe, te majtet dhe te djathtet evropiane sebashku kane rene ne nje mendje se kjo gjendje nuk mund te vazhdoje me dhe kane shprehur gatishmerine per tu angazhuar drejtperdrejte dhe per te bashkepunuar me te dyja palet per nje zgjidhje kompromisi qe i hap rrugen transparences,- nenvizoi Rama.

Persa i perket tryezes se perbashket qe do te mbahet sot ne Strasburg midis dy lidereve politike per te gjetur gjuhen e kompromisit, Rama tha se opozita nga ana e saj e ka shprehur vullnetin politik.

Neser (sot) perfaqesuesit me te larte te se majtes dhe te djathtes evropiane, me mbeshtetjen e te gjithe komunitetit nderkombetar presin ne tryeze te dyja palet, per te kerkuar zgjidhjen dhe per ti hapur rrugen jo vetem transparences, por edhe perballjes me sfidat e integrimit, - tha Rama, ndersa ka falenderuar me emer te gjithe deputetet qe u bene pjese e kesaj sakrifice 19 ditore.