Parlamenti Evropian kerkoi dje njohjen e shtetit te Kosoves nga te gjitha vendet e Bashkimit Evropian, qe ende nuk e kane bere nje gje te tille. Ne rezoluten e miratuar ne Strasburg, me 424 vota pro, 133 kunder dhe 24 abstenime, eshte theksuar se nuk ekziston asnje mundesi per ndarjen e territorit te Kosoves, pavaresisht pretendimeve te serbeve. Rezoluta ka pershendetur vendosjen e suksesshme te misionit EULEX ne te gjithe vendin, ndersa vendeve te Bashkimit Evropian u kerkohet te mbeshtesin perspektiven evropiane te Kosoves, duke ndihmuar ne zhvillimin ekonomik dhe politik te vendit. Ne rezolute i kerkohet, si Kosoves, edhe Serbise te angazhohen ne dialog per çeshtje me interes te perbashket dhe te kontribuojne per bashkepunimin rajonal. Parlamenti Evropian i beri thirrje Serbise te vazhdoje te luaje nje rol konstruktiv, ne perputhje me aspiratat e saj per anetaresimin ne Bashkimin Evropian. "Marreveshjet kalimtare mes OKB-se dhe qeverise se Serbise duhet te rishqyrtohen, sipas zhvillimeve ne terren, kur EULEX te arrije aftesi te plote vepruese", thote rezoluta e miratuar. Por ndersa Parlamenti Evropian ka pershendetur shtrirjen e suksesshme te EULEX, serbet e kane kundershtuar kete mision. Ata kane bllokuar dje disa akse kryesore rrugore, ne shenje proteste ndaj vendosjes se misionit EULEX ne pikat e kalimit kufitar me Serbine. Pjesetare te ketij komuniteti kane bllokuar rrugen Mitrovice-Rashke, qe prej ores 11.00 te mengjesit te djeshem. U bllokua gjithashtu edhe rruga ne dalje te Zveçanit dhe rruga nga Zubin-Potoku, ne vendkalimin kufitar, Brnjak. Banoret serbe te veriut pretendojne se u takon atyre kontrolli i doganave dhe paralajmerojne veprime te tjera, per te shprehur pakenaqesine ndaj zhvillimeve te fundit ne kete pjese te Kosoves.