Çelsi nuk heq dore, madje hidhet ne sulm. Lajmi per mungesen e rinovimit te kontrates se Robinjos me Real Madrid nuk ka bere tjeter veçse ka shtuar presionin e Çelsit mbi fantazistin verdhearte. Sikurse ben te ditur e perditshmja angleze "Daily Telegraph", klubi i Roman Abramoviç do te ishte i gatshem te vere ne pjate oferten prej 31 milione eurosh per te bindur Realin e Madridit per te lene te lire Robinjon. Jane te dy skuadrat qe mohojne tratativen, por jane deklaratat e Robinjos ato qe provojne te kunderten. Talenti i Brazilit (qe akoma i kerkon Realit te ike ne Olimpiade), nuk e ka harruar deshiren per te shkuar ne "Stamford Bridge" nen urdhrat e Felipe Skolarit. Reali, duke tentuar te mos e lere te ike, i ka ofruar lojtarit nje rinovim kontrate per pese vjet me nje rroge prej 3 milione eurosh ne sezon. Por braziliani fiton kohe: dhe Reali, ne pritje te kuptoje se si do te zhvillohen ngjarjet ne lidhje me Kristiano Ronaldon, nuk eshte se po nxitohet. I vetmi qe leviz shpejt eshte Çelsi, i cili sipas drejtorit te pergjithshem te klubit, Peter Kenyon, shprehet i gatshem per te marre lojtarin: "Robinjo eshte nje talent i veçante. Nuk do te hezitonim ta merrnim. Jemi ne tratativa me Realin".