Nenshkruhet ne Varshave mes Rajs dhe homologut polak

Shtetet e Bashkuara te
Amerikes dhe Polonia
kane nenshkruar dje nje
marreveshje per te vendosur ne
token polake nje pjese te mburojes
anti-rakete, nje levizje qe
ka ngjallur menjehere reagimin
e Moskes, qe eshte ndjere
shume e provokuar. Te dhjete
raketat ne Poloni se bashku me
nje kompleks radaresh ne Republiken
Çeke, do te formojne
pjesen evropiane te nje sistemi
boteror, qe sipas Uashingtonit
ka si funksionin rrezimin e raketave
balistike qe mund te dergohen
nga shtetet e rrezikshme,
apo terroristet e Al Kaedes. Kjo
eshte nje marreveshje qe do te
na ndihmoje ne lidhje me raketat
me rreze te gjere veprimi qe
mund te dergohen nga vende te
tilla si Irani, Koreja e Veriut", ka
deklaruar Sekretarja amerikane
e Shtetit, Kondolesa Rajs, pas
nenshkrimit te marreveshjes me
homologun e saj polak ne Varshave.
Pavaresisht deklaratave
te vazhdueshme te Shteteve te
Bashkuara te Amerikes se ky
sistem eshte vetem nje sistem
mbrojtes dhe nuk eshte aspak
kercenues per Rusine, kjo e fundit
e sheh gjithe kete ndermarrje
dhe perpjekje ne dem te saj,
e konsideron si nje pergatitje per
ndonje sulm te ardhshem. Interceptoret
do te vendosen ne ishbazen
e Paktit te Varshaves, ne
Redzikovo, ne veri te Polonise,
1600 kilometra larg Moskes dhe
300 kilometra nga enklava ruse
e Kaliningradit ne brigjet e Detit
Baltik. Sipas Moskes, Uashingtoni
dhe Varshava ndermoren nje
hap te nxituar qe me shume
duket si nje kunderpergjigje
ndaj asaj qe ndodhi ne Kaukaz.
Te dy vendet nderkohe e mohojne
nje gje te tille dhe Kryeministri
polak, Donald Tusk, tha se
ngjarjet ne Gjeorgji treguan se
siguria e Polonise duhet te merret
seriozisht nga Shtetet e Bashkuara.
Polonia ish-sateliti i
madh i Bashkimit Sovjetik si dhe
vendet baltike e kane denuar
kundersulmin rus ndaj Tbilisit.
Komentatoret politike te ketyre
vendeve e kane krahasuar ate
me ngjarjet e vitit 1956 ne Hungari
dhe ato te vitit 1968 ne Çekosllovaki.
Sipas disa sondazheve te
fundit, pas ngjarjes ne Kaukaz
publiku polak eshte me ne favor
te vendosjes se mburojes antirakete.
Pas nenshkrimit te
djeshem, marreveshja duhet te
aprovohet nga Parlamenti polak,
çka duket si nje veprim shume
formal sepse qeveria si dhe partite
kryesore politike e kane
dhene tashme aprovimin e tyre.
Per sa i perket qeverise çeke
edhe ajo tashme e ka dhene miratimin
per sistemin, por e ka
shume te veshtire ta miratoje ne
parlament, ne te cilin ajo ka
vetem gjysmen e 200 vendeve.
Analistet thone se marreveshja
e Polonise per t‘iu bashkuar
planit te Shteteve te Bashkuara
ishte nje sinjal i rendesishem,
por jo vendimtar per ratifikimin
nga ana e Çekise. Diskutimi mes
qeverite te Polonise dhe SHBAse
ka zgjatur 18 muaj me ulje e
ngritje te ndryshme. Ne korrik
pati disa mospranime nga pala
polake, por kompromisi i munguar
u arrit menjehere pas ngjarjeve
ne Osetine e Jugut.

<a href="