Shpallen ne kerkim dy shtetas, nje nga Libohova dhe nje nga Lazarati, te cilet po transportonin lenden narkotike

GJIROKASTER - Ne vazhdimesi te operacioneve antikanabis te zhvilluara, rreth ores 03 00 te mengjesit te se dieles, uniformat blu kane marre nje informacion ne rruge operative se dy shtetas po transportonin dy canta te medha shpine te mbushura me lende narkotike ne drejtim te malit te Buretos me destinacion Greqine. Menjehere policia eshte vene ne ndjekje te tyre.

Ne vendin e quajtur Perroi i Llukanit fshatit Nepravishte te rrethit Gjirokaster, personat qe transportonin lenden narkotike kane kuptuar se policia po i ndiqte dhe kane braktisur cantat e jane larguar me shpejtesi ne pyllin me pisha qe ndodhej aty prane duke perfituar edhe nga erresira.

Ne ndihme te Specialisteve te Sektorit Kunder Narkotikeve jane nisur edhe forca te tjera te Policise se Komisariatit te Policise Gjirokaster, qeni antidroge dhe qeni i gjurmes. Eshte bere i mundur identifikimi i dy te rinjve te cilet jane nje nga Libohova dhe nje nga Lazarati, dhe jane shpallur ne kerkim policor.

Nga keqyrja e cantave rezultoi se ne secilen prej tyre kishte nga 30 pako ne forme cilindrike te mbeshtjella me natriban, me peshe rreth 1 kilogram secila, ku brenda tyre kishte lende narkotike te dyshuar si marijuane, gjithsej rreth 60 kg.

Burimet zyrtare te policise bejne te ditur se u be sekuestrimi i lendes narkotike ne cilesine e proves materiale. Materialet do ti kalojne Prokurorise se Rrethit Gjyqesor Gjirokaster per veprime te metejshme per vepren penale prodhim dhe shitje te narkotikeve.