Brenda nje viti, Ministria e Shendetesise do te raportoje problemet shendetesore te popullates sone. Rreth 13 mije shqiptare do te jene pjese e nje studimi te madh per krijimin e nje baze te dhenash per semundjet infektive dhe jo infektive, per problemet shendetesore ne pergjithesi dhe shqetesimet me te shpeshta te shqiptareve. Studimi do te nise per pak kohe dhe do te perfundoje ne fund te 2009-es. Per kete projekt do te punojne rreth 100 persona, te cilet do te depistojne, do te krijojne rrjetin e te dhenave dhe do te perpunojne te gjithe informacionin e grumbulluar pergjate studimit. Prezantimi i kesaj nisme eshte bere publik dje ne nje takim mes sektoreve kryesore qe do te perfshihen ne kete studim.

Studimi

Ne kete nisme pritet te marrin pjese 8 mije femra te moshes 15-49 vjeçe dhe 4500 meshkuj te po kesaj moshe ne te gjithe vendin. Pjese e depistimit do te jene femijet deri ne moshen 6 vjeç, te cilet jane identifikuar ne familjet e perzgjedhura. Periudha e zbatimit te studimit do te jete viti 2008 deri ne fund te 2009-es. Realizimi i ketij projekti konsiderohet i domosdoshem per te pasur evidenca te bazuara shkencerisht, me qellim orientimin e duhur te politikave shendetesore. Lindjet, vdekshmeria nen 5 vjeç, perdorimi i metodave kontraceptive, mbulesa vaksinale, kujdesi per gruan shtatzene, femijet, ushqyerja me gji, semundjet seksualisht te transmetueshme, do te jene pikat prioritare te studimit. Po ashtu, eshte perpunuar nje set indikatoresh, duke u bazuar edhe ne Studimin e Shendetit Riprodhues te vitit 2001. "Ministria e Shendetesise eshte duke punuar per ngritjen e nje sistemi informacioni te integruar ne te gjitha nivelet e sherbimit", sqaroi dje zyrtarisht Shendetesia. Ministria e Shendetesise ka rolin drejtues dhe mbikeqyres ne tere procesin e zbatimit te Studimit Demografik Shendetesor, nderkohe qe agjencite zbatuese do te jene INSTAT-i dhe ISHP-ja. Ky studim mbeshtetet financiarisht nga USAID, UNICEF, UNFPA dhe Kooperacioni Zviceran. Kompania "Macro International Inc" e mbeshtet teknikisht Institutin e Shendetit Publik dhe INSTAT-in konform te gjitha kritereve e standardeve. Vlera e ketij studimi te rendesishem parashikohet te jete rreth 1.7 milione USD.

Demografia

Studimi i fundit demografik raporton se mosha mesatare e popullsise se Shqiperise eshte 29 vjeç. Statistikat raportohen nga Ministria e Shendetesise. Sipas ketyre te dhenave, rezulton se popullsia vendase eshte e re. "Mosha mesatare e saj eshte 29 vjeç, nderkohe qe 29.5 per qind e saj eshte ne moshen nen 15 vjeç", thuhet ne statistikat e Shendetesise. Sipas projeksioneve te popullsise, jetegjatesia mesatare eshte 74 vjeç. Ashtu si ne shumicen e vendeve te botes, femrat jetojne me gjate sesa meshkujt. Ne Shqiperi, jetegjatesia per meshkujt eshte 72.5 vjeç, ndersa jetegjatesia per femrat eshte 77.5 vjeç. Sipas specialisteve, keto tregues jane te njejte me vende te zhvilluara dhe, nga ana tjeter, tregues si vdekshmeria foshnjore, vdekshmeria amtare dhe treguesi i semundjeve akute jane te krahasueshme me vendet ne zhvillim. Nderkohe qe po sipas ketyre statistikave rezulton se shifrat e vdekjeve foshnjore, deri 1 vjeç, nuk jane teper te larta, kjo e krahasuar me BE-ne.