Eduart Thana ka gjetur vdekjen rreth ores 18:00 te se henes teksa eshte qelluar nga nje person i paidentifikuar

Policia ben te ditur se dyshon per nje grindje te castit te adoleshentit, ndersa ka shoqeruar disa deshmitare

SHKODER - Vritet me arme zjarri nje 17-vjecar, banues ne qytetin e Shkodres. Ngjarja ka ndodhur mbremjen e se henes, teksa policia deri ne oret e vona ende nuk kishte nje piste te qarte, dhe u kufizua ne ndonje grindje mes shokesh, qe mund te kishte nisur me pare dhe qe ka vijuar me vrasjen e te riut.

Vrasja ndodhi ne lagjen "Vasil Shanto", ne hyrjen e nje lokali, pasi viktima eshte ndjekur nga autori. Deri ne oret e vona u shoqeruan rreth 8 vete per tu marre ne pyetje, teksa vijojne hetimet per te gjetur autorin.

Ngjarja

Vrasja ndodhi rreth ores 18:00 ne afersi te Trumes se Dugajve te Reja prane rruges muzeale dhe Fakultetit te Shkencave Shoqerore te Universitetit te Shkodres. Eduart Thana ka gjetur vdekjen, ndersa eshte qelluar me arme zjarri pistolete nga nje person ende i paidentifikuar.

Sipas policise, qe i referohet deshmive te grumbulluara ne vendin e ngjarjes, viktima ka qene duke levizur ne kembe dhe ndersa ecte, ka kuptuar se po ndiqej nga nje autoveture. Pasi ka kuptuar rrezikun, ai ka vrapuar drejt disa lokaleve ne anen e djathte te rruges qe te con drejt nje gjimnazi.

Djaloshi ka ngjitur shkallet e jashtme te nje lokali lojerash elektronike me internet, ne menyre qe te fshihej atje, por pa futur kembet brenda ne lokal, autori e ka mberritur duke e qelluar dhe duke e lene te plagosur. Me pas eshte larguar. Eduart Thana eshte derguar ne spital nga personat qe ndodheshin brenda lokalit, por ka gjetur vdekjen.

Hetimi

Nga ana e policise behet e ditur se po shoqerohen te gjithe personat qe ne kohen e krimit kane qene duke qarkulluar prane zones dhe qe kane pare ngjarjen. Deri ne oret e vona ishin shoqeruar rreth tete vete.

Burime nga blute bejne te ditur se sipas deshmive te marra, ka rezultuar se autori, pasi e ka ndjekur per njefare kohe me makine viktimen e tij, me pas ka dale nga makina dhe ka rendur pas tij me vrap.

Ne kete menyre ka arritur qe ta kape adoleshentin ne momentin qe ai donte te futej ne lokalin e lojerave, ne katin e dyte te nje ndertese dhe ta qelloje disa here. Teksa ka pare se viktima e tij po merrte fund, autori eshte kthyer, ka hipur ne makine dhe eshte larguar ne drejtim te paditur.

Pas dergimit ne spital te te riut, nga ana e policise eshte bere e ditur se 17-vjecari Eduart Thana nuk vazhdonte shkollen dhe ishte i papune. Dyshohet se ai mund te jete zene me ndonje person pak para se te ndodhte ngjarja dhe me pas eshte larguar, por eshte ndjekur nga personi me te cilin eshte grindur. Gjithsesi, kjo eshte vetem nje nga pistat e dhena, ndersa burimet zyrtare shprehen se po hetohet ne disa pista njeheresh. Kjo eshte vrasja e pare e ketij viti ne qarkun e Shkodres.