E shtuna ka shenuar rikthimin e dhunes ne Kategorine Superiore. Fusha e nxehte vazhdon te mbetet ajo e Peqinit, ku vetem pas kater javeve kampionat u regjistrua episodi i pare i shemtuar. Ne takimin Shkumbini-Besa, e cila ka qene mjaft e tensionuar qe prej fillimit, nuk ishte e veshtire qe situata te degjeneronte dhe viktima jane bere nje pjese e mire e lojtareve kavajas dhe trajneri Ilir Daja. Gjate pjeses se pare te takimit, drejtuesi i stolit verdhezi, por edhe lojtaret ne fushe, jane ankuar sistematikisht per gjykimin e njeanshem te arbitrit Erjon Dobi, i cili favorizonte vendasit. Pas mbylljes se 45 minutave te para, ne hyrjen per ne dhomat e zhveshjes filloi edhe "ferri". Deputeti i ketij qyteti, Dashnor Sula, trajneri i portiereve te Shkumbinit dhe disa persona te tjere keqtrajtuan lojtaret miq. Viktima e pare e dhunes fizike u be sulmuesi Bekim Kuli, i cili ka pesuar çarje ne fytyre. Per te mbrojtur lojtaret e tij, ne mes ka hyre edhe trajneri Ilir Daja, por edhe per te eshte rezervuar i njejti trajtim. I rrahur nga "pushtetari" dhe personat e tjere, Daja ka reaguar duke goditur deputetin Sula dhe kjo solli reagimin e forcave te rendit. Per t‘u theksuar eshte fakti se fillimisht, gjate dhunes ndaj lojtareve miq, uniformat blu nuk kane reaguar, por qendronin ne rolin e spektatorit. Pas ketij epidosi, konfrontimi i drejtuesit te stolit te Beses me stafin teknik te Shkumbinit vazhdoi edhe ne fillim te pjeses se dyte dhe kjo shkaktoi tensionim te situates edhe ne shkallet e stadiumit. Per te qetesuar situaten u desh nderhyrja e trajnerit peqinas, Gugash Magani, i cili shkoi ne stolin e miqve dhe takoi Ilir Dajen, si per t‘i treguar tifozeve se gjithçka ishte ne rregull. Por, ne fund te ndeshjes, Daja u shoqerua ne komisariatin e policise dhe pas nje kohe te shkurter qendrimi u la i lire. Mesohet se per incidentin askush nuk ngriti padi penale. Nderkohe, deputeti Sula mohoi akuzat: "Une nuk jam perzier fare dhe nuk mendoj se ka ndodhur diçka e jashtezakonshme, tha ai. E verteta eshte se ne pushim te ndeshjes kishte gjaknxehtesi te lojtareve, pasi kishte pretendime ndaj gjykimit. Pas futbollisteve ngjarja perfshiu edhe trajneret, ndonese u mbajt nen kontroll. Une nderhyra qe policia te mos shoqeronte trajnerin e Beses". Megjithate, Bekim Kuli konfirmoi ngjarjen dhe se eshte qepur tre here ne buze. Ndeshja u mbyll me fitoren 1-0 te vendasve me golin e Erjon Rizvanollit ne minuten e 66-te dhe tashme ata mbajne vendin e dyte ne klasifikim me 9 pike. Megjithate, ky episod do te shqyrtohet nga organet kompetente, te cilat duhet te marrin masa te menjehershme, pasi dhuna vetem pas 4 javeve te Superiores mund te shnderrohet ne nje precedent te rrezikshem. Nga ana e tij, deputeti Dashnor Sula nuk eshte i panjohur per problemet ne ambientin peqinas. Afro dy vjet me pare ai u be shkaktar i denimit te fushes se Shkumbinit, pasi dhunoi presidentin e Partizanit, Albert Xhani, dhe futbollistet e kesaj skuadre.

Tirana - Pas ndeshjeve te djeshme Tirana mori kreun e klasifikimit. Bardheblute e drejtuar nga Slishkoviç fituan 2-0 ne fushen e Apolonise, me gola te Andi Liles dhe Migen Memellit. Edhe pse nuk bindin me loje, 23 here kampionet kane treguar force ne ndeshjet jashte fushe (3 nga 4 takimet i kane luajtur larg Tiranes), ku kane marre 7 pike. Emocionet dhe tensioni nuk kane munguar as ne sfiden e luajtur ne Vlore, ku Flamurtari fitoi 1-0 me Vllaznine. Vendimtar ishte goli i Brajkoviç, ne minuten e 25-te, megjithate kuqezinjte kane pasur me shume se nje rast per te dyfishuar. Ne fund sfida u tensionua, mbi te gjitha pas daljes nga loja te Beges per vendasit me karton te kuq. Me kete humbje shkodranet e Agim Canajt zbresin ne vendin e trete.


Superiore / Java 4

Ora 16:00


DJE

Shkumbini-Besa 1-0

Rizvanolli 66‘

Apolonia-Tirana 0-2

A. Lila 30‘, Memelli 35‘

Flamurtari-Vllaznia 1-0

Brajkoviç 25‘


SOT

Dinamo-Elbasani S. Çekaj

Bylis-Lushnja K. Meta

Teuta-Partizani A. Lulaj


Klasifikimi

Skuadra N F B H gol. Pike

1. Tirana 4 3 1 0 5-1 10

2. Shkumbini 4 3 0 1 7-4 9

3. Vllaznia 4 2 1 1 5-3 7

4. Elbasani 3 2 1 0 2-0 7

5. Flamurtari 4 2 0 2 3-3 6

6. Dinamo 3 1 2 0 3-1 5

7. Besa 4 1 1 2 3-4 4

8. Apolonia 4 1 1 2 3-5 4

9. Partizani 3 1 0 2 3-4 3

10. Lushnja 3 1 0 2 2-4 3

11. Teuta 3 0 1 2 0-2 1

12. Bylis 3 0 0 3 3-8 0