TIRANE- Demet e medha nga permbytjet ne fillim te vitit te veri-perendim te vendit si dhe ne Maliq te Korces kane kthyer vemendjen e qeverise si dhe te Autoritetit Mbikeqyrjes Financiare per hartimin e nje skeme te sigurimit te detyrueshem kunder katastrofave.

Deri me tani nuk eshte hedhur asnje hap konkret ne kete aspekt, nderkohe qe ndermarrja e nje nisme te tille u paralajmerua dje nga Drejtoresha e Autoritetit te Mbikeqyrjes Financiare Elisabeta Gjoni gjate parashtrimit te raportit vjetor para Komisionit Parlamentar te Ekonomise.

Referuar deklarates se Gjonit, duket se kemi te bejme me nje skeme sigurimi te detyrueshem te ngjashem me ate te automjeteve, por shuma e kontributit si dhe skema e mbulimit do te saktesohen pas hartimit te draftit.

Ne bashkepunim me kompanite e sigurimit po perpiqemi te paraqesim nje skeme kombetare te mbrojtjes se burimit nga katastrofat qe do te kete perfitime per qeverine kundrejt demshperblimit apo mbulimit te demeve.

Nga ana tjeter pritet te kete perfitime edhe per konsumtorin e biznesin si dhe do te behet nje nxitje e madhe per shoqerite e sigurimit qe ne kete skeme kane rolin e shperndaresit apo trajtimit.

Keto skema jane me kontribute modeste por qe ne fakt sigurojne nje mbrojte te madhe. Ky eshte nje proces qe nuk eshte konturuar mire. Do nje konsensus me qeverine sepse kerkon miratimin e nje ligji qe te jete sigurim i detyrueshem karshi katastrofave, - tha dje Gjoni.

Deklarata e Drejtoreshes se AMF-se vjen ne nje kohe kur buxhetit te shtetit i eshte dashur te perballoje demet e shkaktuara nga permbytjet e fillimit te vitit ne Lezhe, Shkoder si dhe Maliq.

Fillimisht ka ekzistuar nje skeme rajonale per futjen e siguracionit ndaj katastrofave por deri me tani nuk eshte bere asgje konkrete ne kete drejtim. Kjo eshte edhe arsyeja sepse AMF kerkon mbeshtetjen e qeverise per implementimin e kesaj skeme ne Shqiperi.

Demet

Shqiperia vazhdon te kete nivelin me te ulet te raportit prime deme. Te dhenat vjetore te tregut te sigurimeve nga AMF raportojne per nje rritje te moderuar te ketij raporti gjate vitit 2009 i cili gjithsesi mbetet large treguesve te vendeve te rajonit.

Gjate nentemujorit 2009 ky raport ka qene ne nivelin e 32 per qindve. Pavaresisht zhvillimeve pozitive, niveli i ulet i penetrimit dhe raporti i ulet deme prime (32perqind ne nentemujorin 2009), faktojne se tregu i sigurimeve ka ende shume per te bere ne drejtim te rritjes se besimit te konsumatorit dhe permiresimit te sherbimit ne teresi, - deklaroi Gjoni.

Ne fakt, krahas nivelit te ulet te pagesave nga shoqerite e sigurimeve, raporti i ulet midis primeve dhe demeve kushtezohet edhe nga lloji i siguracionit. Ne Shqiperi dominon siguracioni i detyrueshem, cka sipas Gjonit eshte nje fakt qe duhet marre ne konsiderate gjate shqyrtimit te raportit prime/deme.