Sot, ne oren 17:00, fershellima e fillimit per ndeshjet e sezonit 2008/09

Starton Kategoria Superiore. Pas tre muajve pushim, ne Shqiperi rikthehet futbolli i madh. Elitaret zbresin sot ne fushen e lojes, duke regjistruar edhe fillimin e betejes per titullin kampion. Topi i pare do te luhet ne oren 17:00 ne pese prej stadiumeve kryesore ne vend, nderkohe qe vetem ne Shkoder ndeshja do te zhvillohet me drita. Atmosfere festive dhe prozhektore eshte menyra sesi kuqeblute do te presin sezonin e ri, mbi te, kur kundershtari quhet Tirana.

Shkoder - Mes kengeve te Bujar Qamilit e Mukades Çanges dhe shkelmimit te topit te pare nga veterani Ferit Borshi, Vllaznia synon qe ta filloje kampionatin me fitore. Edhe pse humbi ne finalen e Superkupes, te besuarit e Agim Canajt e kane te qarte se jane nje prej skuadrave me te forta te kampionatit. Dhe kete deshirojne ta tregojne kunder nje tjeter pretendenteje per titull, si Tirana. Megjithese u jane larguar afro 10 lojtare, ku me kryesoret ishin padyshim Delain, Lika, Teli e Sukaj, kuqeblute kane plotesuar "gropat" dhe Paulin Dhembi pritet t‘i jape me shume frymemarrje mesit te fushes. Lajm i mire eshte edhe rikuperimi i plote i Sinanit, qe pas tre muajsh jashte fushave pritet te aktivizohet si titullar. Ne anen tjeter, Tirana vjen ne kete sfide shume e uritur, e pas deshtimit ne sezonin e kaluar veshtire se do t‘i lejoje vetes hapa fals qe ne fillim. Pas afrimeve "me peshe" te Memellit, Agollit, Devollit apo edhe te venezuelianit Kazanova, bardheblute e drejtuar nga Slishkoviç presin edhe firmen e portierit maqedonas, Tomislav Paçovski, nderkohe qe shpresohet edhe blerja "in extremis" e Bledi Shkembit.

Tirane - FSHF ka parashikuar qe te zhvilloje ne kryeqytet ceremonine e hapjes se ketij edicioni. Fillimisht ishte menduar qe urimi per nje kampionat sa me te suksesshem te behej ne Shkoder: ide qe mbeshtetej nga sfida Vllaznia-Tirana dhe fakti se tifozeria shkodrane eshte e jashtezakonshme dhe di te festoje. Megjithate, ne fund, eshte vendosur qe nderi t‘i lihej Dinamos, kampione e vendit ne fuqi, qe sot ne "Selman Stermasi" do te prese Teuten e drejtuar nga Starova.

Te tjerat - Ne ndeshjet e tjera, Partizani nenkampion i vendit, do te udhetoje ne Lushnje. Interesant eshte fakti se si do te reagojne te kuqte pas "hemorragjise" se veres, ku jane larguar tete titullare. Mungese e rende per Liken eshte edhe ajo e Elis Bakajt. Besa pret ne fushen e saj Flamurtarin, Elbasani do te kete si kundershtar te pare Apolonine, ndersa Bylis do te udhetoje drejt fushes se veshtire te Shkumbinit.



Kategoria Superiore / Java 1

Sot ora 17:00


Dinamo-Teuta

A. Janku, Pregja-Maloku

Shkumbini-Bylis

S. Jareci, Biçaku-Qirici

Besa-Flamurtari

B. Pashaj, S.Avdo-Rexha

Elbasani-Apolonia

S. Çekaj, Lama-Agaraj

Lushnja-Partizani

L. Jemini, Elezi-Salaj

Vllaznia-Tirana ora 19:00

K. Meta, Doda-Miho

 

<a href="