Policia ka arrestuar kater persona per zjarrvenie, tre prej te cileve jane kapur ne flagrance, duke demtuar ullinj pyje e pemtore

TIRANE- Gjate dy javeve te fundit muajit gusht, Policia e Shtetit ka derguar per ndjekje penale tete persona te dyshuar per zjarrvenie te qellimshme apo aksidentale te zonave pyjore apo te vendeve te tjera me pasoja ne pronen private dhe publike ne vend. Nga keta persona, policia pohoi se ne tri raste zjarrvenesit jane kapur ne flagrance nga policia duke u arrestuar me pas prej saj.

Arrestimet jane kryer ne Tirane, Fier dhe Shkoder, ndersa 4 persona jane proceduar ne gjendje te lire, nderkohe qe nje person tjeter eshte shpallur ne kerkim prej bluve. Sipas njoftimit nga Policia e Fierit, me 26 gusht u arrestua ne flagrance Kujtim Hoxhaj, 38 vjec, banues ne fshatin Hoxhaj, te rrethit Fier.

Ky person akuzohet se ne fshatin Kreshpan, me zjarr, ka djegur 10 ha pyll me pisha dhe dyshohet si autor i zjarrvenies ne fshatin Frakull me 25 gusht ku jane djegur 40 ha me ullinj, lajthi e dardhe. Nga Policia e Shkodres me 24 gusht eshte arrestuar ne flagrance Sabri Plaku, 65 vjec, ne fshatin Oblik te Shkodres.

Ky person ne vendin e quajtur Livadhet e Agrajes, nga pakujdesia ka shkaktuar zjarr, duke djegur 5 dynyme pyll. Nderkaq, ne fshatin Palaq te komunes se Prezes, eshte arrestuar me 22 gusht ne flagrance Muharrem Kasa, 64 vjec, banues ne kete fshat, pasi ka djegur disa shkurre e barishte ne pronen e tij, ndersa zjarri i ka dale jashte kontrollit, duke u djegur nje siperfaqe rreth 30 ha pyll e shkurre, si dhe mbi 100 rrenje ullinj prone e disa banoreve tjere te zones.

Rastet e tjera, jane ndjekje ne gjendje te lire, ndaj pese personave ne fshatrat Nivice te Delvines, e Rusan te Delvines ku jane djegur kullota, ne fshatin Borizane te Krujes dhe dy vellezer qe jane derguar per ndjekje penale ne Gjirokaster per zjarrvenie te kullotave ne fshatin Klishar te Gjirokastres.