Mesfushori kosovar: Premiershipi, enderr qe u realizua

Valon Behrami eshte zyrtarisht futbollist i Uest Hemit. Mesfushori kosovar, i natyralizuar si zviceran, do te luaje ne kampionatin anglez per pese sezonet e ardhshme. Lajmi u konfirmua edhe nga faqja zyrtare ne internet e klubit, qe saktesoi se Behrami ka kaluar vizitat mjekesore dhe firmosi kontraten 5-vjeçare. Per te siguruar sherbimet e mesfushorit qe kerkohej edhe nga shume klube evropiane, mes te cilave Totenhem, Sevilja e Bajern i Mynihut, Uest Hemi i ka paguar Lacios rreth 6.3 milione euro. Drejtuesit e skuadres italiane pretendonin te pakten 20 milione euro per kartonin e tij, por ulja drastike e çmimit ka ardhur pasi lojtari mund te shfrytezonte nenin 17 te FIFA-s per t‘u larguar (ai nuk e pranoi oferten per rinovim me Lacion). "Jam shume i lumtur qe firmosa per Uest Hemin", ishin fjalet e para te Behramit, qe me Zvicren luajti edhe ne Euro 2008. "Per mua, te luaj ne Premierlige eshte nje enderr qe realizohet. Po pres me padurim momentin qe do te behem pjese e kesaj skuadre".