Eshte vene ne pranga 16-vjecari T.Brahimi pasi ka pranuar autoresine, si dhe ka dorezuar armen e krimit

SHKODER - Vetedorezohet ne policine e Shkodres autori i vrasjes se 17-vjecarit Eduart Thana, ngjarje kjo e ndodhur pasditen e se henes ne qytetin e Shkodres.

Shtetasi T.Brahimi, 16 vjec, banues ne lagjen "Ahmet Haxhia" ne qytetin e Shkodres eshte vetedorezuar ne polici se bashku ne armen e krimit, rreth ores 19:30 te se merkures, duke pohuar se ai kishte qelluar mbi Eduart Thanen me te cilin ishin grindur.

Policia e cila kishte shpallur ne kerkim si autor te dyshuar te kesaj vrasjeje vellane e 16-vjecarit te vetedorezuar, ka kryer veprimet perkatese, ndersa me pas ka deklaruar se ka arritur te provoje ligjerisht me prova shkencore se autor i vrajes eshte 16-vjecari T.Brahimi dhe jo vellai i tij, i dyshuar deri me dje si autor.

Adoleshenti do te perballet me akuzat e "vrasjes me dashje" dhe "armembajtjes pa leje". Sipas policise, autori nuk ka qene person me precedente penale dhe as kontigjent. Ngjarja per te cilen ai akuzohet ka ndodhur pasditen e se henes, rreth ores 18:00.

Ne kete dite, sipas ngjarjes se rindertuar pas vrasjes, viktima Eduart Thana ka pasur nje grindje me autorin dhe me pas eshte nisur per ne shtepi. Teksa ka qene rruges ka ndier qe nje makine e ka ndjekur.

Ai eshte perpjekur per te hyre ne nje lokal, ne katin e dyte, por eshte qelluar nga autori ne momentin qe ndodhej ne pragun e lokalit. Fillimisht policia identifikoi si autor shtetasin A.Brahimi. Por pas vetedorezimit te 16-vjecarit pohoi se eshte arritur te provohet, edhe nga deshmitaret, se pikerisht adoleshenti ka qene ai qe ka qelluar mbi viktimen.