TIRANE- Buxheti i vitit te ardhshem parashikohet te paguaje disa miliarde leke interesa te kredive te marra nga qeverite shqiptare.

Gjate vitit 2011, Shqiperia do paguaje rreth 4.5 miliarde leke me shume interesa te huave te marra nga bankat vendase dhe te huaja. Ne total buxheti i shtetit do te nxjerre rreth 48.8 miliarde leke per te permbushur detyrimet ndaj financuesve te brendshem dhe te jashtem.

Pjesa me e madhe e interesave, rreth 40.8 miliarde leke do ti paguhen tregut vendas ndersa 8 miliarde leke, bankave te huaja. Gjate vitit te ardhshem, interesat do te zene nje vend me te madh ne buxhet me rreth 3.7 per qind, krahasuar me 3.5 per qind te ketij viti ose 3.2 per qind te nje viti me pare.

Krahasuar me fondin qe pritet te marrin ministrite per realizimin e investimeve qe ato kane parashikuar, shuma qe do te shpenzohet per shlyerjen e interesave gjate vitit 2011 eshte rreth nje here e gjysme me shume se fondi total qe do te marre Ministria e Puneve Publike dhe Transporteve ose rreth tre here me e madhe se fondi qe do te perfitoje Ministria e Brendshme.

Ministria e Drejtuar nga Olldashi pritet te marre rreth 31 miliarde leke, ndersa ajo e Drejtuar nga Lulzim Basha, 17 miliarde leke. Nderkohe, vetem shtesa prej 4.5 miliarde lekesh krahasuar me nje vit me pare, eshte thuajse dy here me e madhe se fondi total qe pritet te marre Ministria e Ekonomise, Tregtise dhe Energjetikes ose sa gjysma e Fondit Shqiptar te Zhvillimit.

Ne fund te vitit 2011, shqiptaret do te kene nje borxh publik prej 777 miliarde lekesh, ose rreth 47 miliarde leke me shume se viti aktual.

Nga keto, rreth 458 miliarde leke jane borxh i brendshem, te cilin qeverite i kane marre ne tregun vendas, ndersa 298 miliarde leke ne tregun e jashtem. Por borxhi publik pritet te rritet edhe gjate viteve te ardhshme. Sipas parashikimeve te qeverise, ne vitin 2012 pritet nje borxh publik prej 813 miliarde lekesh dhe ne 2013-n, 858 miliarde leke.